LOS ÁMBITOS DEL PAÍS ASTURIANU

[astúricu]

LOS ÁMBITOS DEL PAÍS ASTURIANU


Xaviel Vilareyo



Asturies conforma güei una afitada realidá histórica, cultural, xeográfica, idiomática y espiritual indiscutible. Esta realidá presente vieno faciéndose a lo llargo los sieglos ya indagora sigue desenrollándose y configurándose como una entidá específica y singularizada, reconocida y reconocible.
L'espaciu físicu que desllenda esta comuña humana y xunidá física que nomamos Asturies amuésanos un escenariu onde esta comunidá d'individuos, asitiada nesti espaciu yá dende los mesmos oríxenes del ser humanu, foi configurando un xeitu de ser y de vida a través d'un llongu procesu secular, mediante la creación colectiva d'un universu compartíu d'idealismos, historia, derechu, mitos, ritos, vezos, tradiciones, costumes, llingua, xeitos de pensamientu y de caracterización propia que nomamos el ethnos asturianu. Por mediu d'esti ethnos la propia comunidá reconozse tanto dende una manera individual como colectiva, compartiendo en too o en parte esti calter común, al que normalmente los individuos pertenecen y al que se ven vinculaos o englobaos nél de manera simbólica, cultural o afectiva.
La etnografía propia d'Asturies representa la so naturaleza o manera de ser en sentíu ideal, como un conxuntu mui ampliu y diversu de caracteres, referencies, nicios, señes, espacios compartíos, vínculos, rasgos o influencies de los que los individuos tienen dalgo en común y del que poseen dalgún tipu de relación o xuntura anque esti vínculu seya simplemente la sola pertenencia a la mesma comunidá idealizada, comunidá a la que los individuos tamién puen pel so llau amestar dalgo que llueu el colectivu enteru comparte y fai suyu, incorporando esa nueva creación individual a la etnografía comunitaria.
El ethnos asturianu nun ye un conceptu uniformista, prefixáu o ríxidu nin estáticu, sinón que la so etnoxenia vien llevándose alantre a través de los sieglos, desenrollándose y evolucionando, agrandándose si cabe, configurando cada vez un mundu propiu más bayurosu, modernu y actual acordies col desenrollu científicu, social y cultural de la mesma sociedá.

La tonada-pop, la paella a la sidra, los madreñoxiros de barru pa turistes, la sidría, los horros-hotel, los concursos de gadañar, l'usu de la gaita n'actos oficiales, les espiches-boda, el tendal antilluvia, o un monumentu al osu, ente otros exemplos, son creaciones nueves que s'incorporen al ethnos comunal astur como señes d'identidá colectiva igual que antes lo foron el Asturies Patria Querida, los castielletes mineros, la fabada o los vasos d'escanciar, por exemplu.
Nun hai motivos pa pretender reducir l' ethnos asturianu simplemente a rasgos llingüísticos, raciales o xenéticos, sinón qu'esti más bien axunta toa una llarga variedá d'elementos identificadores, igualmente típicos y referenciales del colectivu. Nun cabe dulda que les llingües asturiana y asturgalaica formen parte d'estos elementos identificadores y referenciales del modu de ser asturianu pero non d'una manera esclusiva sinon como un elementu etnográficu más. El fechu de pronunciar o d'escuchar ensin rechazu espresiones como: el camín, llocu, xatu, nenín o guapín, pue ser o non un datu importante que revele una asimilación al ethnos, pero nun ye de toes formes l'únicu parámetru posible de pertenencia al mesmu. Y ello pola razón de que l'ethnos ye una realidá individual pero tamién desllenda una entidá colectiva embaxo la que un ampliu númberu d'individuos mui diversos vense inmersos. Conceptualmente, l'ethnos asturianu nun significa uniformidá de les persones nin tampoco uniformidá cultural en sentíu restrinxíu. En falando del ser etnográficu asturianu non sólo nos tamos refiriendo a los principios obxetivos o materiales que definen científicamente esti conceptu (ente los que s'alcuentren por exemplu los vínculos idiomáticos, xenéticos o xenealóxicos) sinón que tamién nos referimos a toa una riestra de factores sicolóxicos, históricos, xeográficos, anímicos, inmateriales o espirituales de diversu calter que según el so diferente grau d'intensidá o desenrollu apaecen tamién como elementos configuradores d'esti mesmu conceptu d'ethnos o nación cultural qu'intentamos analizar.

Esisten diferentes enfoques a la hora de determinar cuálos son los elementos definitorios del ethnos asturianu o del conceptu de nación cultural aplicáu al casu asturianu.

En primer llugar podría considerase como elementu principal na definición del ethnos asturianu la sola voluntá dende un criteriu subxetivu, o seya, tomando como únicu datu la conciencia d'identificación o de pertenencia al ser común del restu los integrantes del colectivu de los asturianos como característica esta más impulsora y dinámica del conceptu de grupu nacional o nación. Esti conceptu de la nación como ente cuasi plebiscitariu, como una especie d'empresa colectiva o corporación que manifiesta la so pertenencia a un determináu grupu mediante una votación o refrendu cotidianu de vinculación al mesmu en términos asépticos ye lo que se conoz como la nación en sentíu societariu o programáticu: la nación sedría según esti conceptu un meru conxuntu d'individuos que manifiesten la so pertenencia al grupu simplemente de manera volitiva y cotidiana o bien se manifiesta nun momentu dau mediante mecanismos d'espresión individual, organizada o institucionalizada. Según esti conceptu bastaría cola voluntá o el deséu individual pa pertenecer o non a un determináu grupu nacional, entendiendo qu'esta voluntá nun ta forzada o condicionada. Asina, un individu pue manifestar lexítimamente que ye asturianu porque esa ye la so llibre voluntá o deséu. Nestos casos la pertenencia al ethnos asturianu o nación vendría lexitimada pola sola voluntá del individu y pol deséu de vinculación a esi ámbitu humanu y espiritual. Siendo la sola voluntá l'elementu definitoriu cualisquier individu pertenez a una nación si manifiesta o siente esi deséu de pertenencia. Según esti principiu voluntarista, sedría asturianu o asturiana tou individu qu'esperimente una vocación o deséu de selo y de pertenecer o formar parte real o simbólicamente d' Asturies.

En segundu términu podría considerase al ethnos asturianu como un conxuntu d'elementos obxetivos, determinables o emponderables (perceptibles en xeneral) que se manifiesten como rasgos carcaterizables o identificables independientemente de la voluntá de los individuos y de los deseos o preferencies respecto a ellos. Polo tanto estos elementos diversos considérense na so globalidá como independientes del deséu del individu encuantes a la pertenencia o non del mesmu al propiu ethnos o nación cultural.
Los elementos obxetivos conformadores son múltiples y mui diversos, abarcando abondos aspectos, rasgos, caracteres o signos (físicos, idiomáticos, históricos, culturales, familiares, sociales, xurídicos, sicolóxicos, económicos, afectivos, emotivos, costumes...) que definiríen non sólo a les persones sinon tamién al grupu o comunidá, caracterizando a la persona como perteneciente al ámbitu del grupu étnicu independientemente del so deséu d'adhesión al mesmu. Quedó dicho qu'estos elementos nun se puen reducir a unu o varios sinón qu'axunten una abonda diversidá y multiplicidá d'enfoques.
Por exemplu hai datos estadísticos qu'amuesen que los asturianos como grupu tienen unos de los porcentaxes por habitante más altos de suicidios, depresión, alcoholismu, silicosis, bociu y cáncer de pulmón en términos relativos. El datu nun quier revelar equí que los asturianos pol fechu obxetivu de selo tean predispuestos pa sufrir estos males, cosa que ye a toes lluces absurda, sinón que la persona que reciba y asimile esti tipu de datos pue recibir tres tipos de sensaciones: o bien de temor o pesar, d'indiferencia o de contentu. L'elementu étnicu qu'intentamos desplicar revelaría equí qu'un altu porcentaxe de los que dicen o se sienten asturianos al conocer eses estadístiques percibiría sensaciones asemeyaes a les del primer tipu, y mentantu, pol contrario, un altu porcentaxe de los non-asturianos percibiría sensaciones del segundu o del tercer tipu de les señalaes enantes. Estes diferentes sensaciones, polo tanto, sedríen elementos obxetivos que definiríen el propiu ethnos asturianu o la pertenencia al grupu nacional de los asturianos.
Otru exemplu, nesti casu invertíu, nos lu daríen otres estadístiques qu'amuesen que Asturies tien unu de los porcentaxes más baxos d'analfabetismu y más altos d'instrucción y llectura. L'elementu etnográficu determinante más que nel datu estadísticu en sí mesmu atoparíemoslu nes sensaciones que l'individu pueda esperimentar en recibiendo esta información. Asina, un altísimu porcentaxe de los individuos del ethnos asturianu manifestaría sensaciones de satisfacción o argullu mentantu que nos individuos non pertenecientes al grupu recoyeríase un altu porcentaxe d'indiferencia emocional ante'l datu o inclusu de sana rocea.
Sin embargo, la noción clásica de nación cultural acentúa más que nada los elementos llingüísticos y culturales, como elementos obxetivos definitorios del conceptu de grupu nacional.
Asina, la interpretación hegeliano-marxista de la idea de nación ye una variante d'esta concepción obxetiva de la nacionalidá entendida como una comunidá formada históricamente (preesistente polo tanto al individu) sobre los pegoyos de la comunidá d'idioma, territoriu, vida económica, costumes y etnografía que se manifiesta nes particularidaes de la propia cultura étnica o nacional.
Nesta concepción marxista, la nación asturiana taría desllendada dientro l'ambitu o espaciu físicu qu'algamara lo que xeneralmente s'entiende como la cultura asturiana o modus essere asturiano (historia, llingua, tradiciones, artes y folclore asturianos).
Según les teoríes obxetives seríen polo tanto asturianos aquellos individuos que por historia, llingua, tradición, calter, costumes o cultura propia participen de dalgún xeitu de los elementos o caracteres comunes que-y son consustanciales a la naturaleza, esencia o ser peculiar d'Asturies, y que formen parte, xunto col territoriu al que dieron vida, del so ampliu conxuntu d'elementos culturales colectivos, anímicos, sicolóxicos, simbólicos, ideolóxicos y materiales específicos que conformen el ethnos asturianu propiu del so ámbitu nacional.



En tercer llugar ye necesario cuntar tamién cola definición llegal o xurídica vixente que determina les condiciones requeríes pa la pertenencia del individu a esti ente colectivu o dicho dotramiente, les circunstancies xurídiques que determinen la propia nacionalidá cultural y la forma d'accesu a la mesma.

Nesti sentíu según el Derechu Civil Asturianu en vigor, formen parte de la nacionalidá asturiana:

- por filiación: los nacíos de padres que tengan la vecindá civil asturiana, independientemente del llugar de nacencia del individu. Los padres habrán tener una mesma vecindá civil pol principiu de xuntura de la familia.
- por nacencia: el fíu de padres desconocíos tien la vecindá civil asturiana si naz n'Asturies.
- por opción: si la vecindá de los padres nun ye la mesma que la del llugar de nacencia de los fíos, éstos podrán escoyer la vecindá civil del llugar de nacencia en cumpliendo los dieciocho años.
- pol principiu de xuntura xurídica de la familia: l'home o muyer casao necesariamente habrán adoptar los dos una mesma vecindá civil que sedrá la mesma pa los sos fíos non emancipaos incluso pa los fíos adoptaos.
- por residencia n'Asturies: son asturianos los que residan n'Asturies durante dos años si l'interesáu manifiesta asina la so voluntá d'adquirir esta nueva nacionalidá. En tou casu sedrán asturianos los que residan n'Asturies durante diez años consecutivos.
- como regla xeneral y pa los casos de dulda rexirá como norma pa determinar la nacionalidá o vecindá civil del individu la que determina el so llugar de nacencia.


Xurídicamente la norma subsidiaria qu'establez la prevalencia del llugar de nacencia nos casos de dulda vien a tomar en consideración esti datu como'l más definitoriu de la pertenencia d'un individu a una nacionalidá o a un determináu ámbitu nacional. Esta regla avérase si cabe al conceptu etimolóxicu de la nación, que define precisamente a los nacionales como aquellos individuos nacíos nun territoriu determináu. El términu llatinu natio provién del verbu nasci que significa precisamente "nacer".


L'Estatutu Asturianu pela so parte especifica qué individuos d'esta nación asturiana tienen la condición política d'asturianos. La condición política d'asturianu faculta pa exercer los derechos políticos como ciudadanu asturianu ente ellos el derechu de sufraxu. Polo tanto esta condición nun tien relación col conceptu d'asturianidá nin col fechu de la pertenencia al ente colectivu o ethnos grupal asturianu. Nesti sentíu tienen la condición política d'asturianos sólo aquellos que tengan la vecindá alministrativa (residencia o empadronamientu, nun confundir cola vecindá civil o nacionalidá) dientro les llendes o ámbitu d'Asturies. Amás gocien tamién d'esta condición los emigrantes asturianos residentes nel estranxeru que tuvieren la última residencia n'Asturies enantes d'emigrar y que acrediten esta condición nos consulaos y tamién tendrán esta condición los sos descendientes.
Polo tanto hai que tener presente que si un asturianu, nacíu o residente n'Asturies, s'empadrona fuera d'Asturies pierde la condición política d'asturianu, anque non por ello pierde la vecindá civil o nacionalidá nin la so pertenencia al colectivu asturianu, yá que son conceptos estremaos.

L'Estatutu Asturianu define llegalmente l'asturianía como'l derechu a collaborar y compartir la vida social y cultural d'Asturies.

Vistos los diversos conceptos que traten de dar conteníu a les definiciones del ethnos o nación asturiana, dende los puntos de vista volitivu, obxetivu y xurídicu, nun hai menos que plantegase una custión capital pa poder desllendar claramente el significáu de tolo anteriormente espuesto. Una vez analizaes les definiciones del ethnos la custión principal ye saber dar respuesta axeitada a delles custiones claves. ¿Qué ye lo qu'entendemos por Asturies, cuando nos referimos a ella? ¿Cuálos son los ámbitos o llendes qu'algamen el conceptu d'ethnos o nación asturiana?¿Cuálu ye l'ámbitu d'esta nación?¿Pue esistir l'ethnos independientemente del so territoriu o simplemente ye consustancial a él?. Quizabes el fechu de desllendar l'ámbitu físicu del colectivu cultural seya simplemente un mecanismu que facilita la propia actuación, desenrollu o movimientu dientro d’él o tamién puea sirvir como instrumentu pa una mayor cohesión, identificación o afitamientu del mesmu.
¿Resulta productivo y necesario delimitar físicamente los ámbitos de la nación cultural cuando en dellos puntos de vista esti conceptu resulta más bien una realidá simbólica o idealizada? Primeramente hai que precisar que los límites físicos que na mayoría los casos s'imponen sobre l'espaciu del ethnos como nación cultural suelen ser na práctica simplemente útiles si bien suel ocurrir tamién qu'estes llendes cuasi siempre son imperfectes, permeables, imprecises o inesactes, como imprecisos son del mesmu modu los espacios periféricos del ethnos, polo que xeneralmente aquelles son resultáu d'una conveniencia o convención, d'una tradición, d'un pautu, d'una hestoria, d'una xeografía o d'un ámbitu cultural delimitador qu'intenta acutar un espaciu particular pal ethnos tratando d'identificalu asina con un territoriu, con una superficie xeneradora recortada a la manera d'una islla, cuando en realidá lo qu'asocede ye qu'esti territoriu sólo ye un elementu más de los qu'integre la propia nación cultural.
Bien ye cierto que nun se podrá falar de pertenencia a un espaciu físicu común si nun se sabe mínimamente cualu ye'l territoriu esactu al que l'individu pertenez, anque nun se descarta la pertenencia del individu a varios ethnos estremaos (como por exemplu población inmigrao, doble nacionalidá, multiculturalidá). Na práctica y nestos casos unu de los ethnos del individu prevalez o termina por prevalecer col tiempu penriba l'otru, anque éstos foran asemeyaos ente si. Nestos casos l'averamientu o alloñamientu al territoriu cultural por parte del individu resulta tamién determinante: nunos casos afítalu, pero nos más lu va debilitando. Otru datu qu'amuesa la importancia del ámbitu espacial ye precisamente que los sentimientos de pertenencia a una tierra o a un territoriu son tamién un rasgu más dientro la caracterización individual de lo etnográfico. Exemplu d'esta identificación del ethnos col so terrén onde s'asitia puen ser los sentimientos que caltién la población emigrao que tiende a asociar la idea del so ethnos col territoriu configurador (siguiendo'l conceptu obxetivu de nación) más que col grupu humanu (al conceptu volitivu-subxetivu del ethnos), y con ello desenrolla en pareyo la idea del "ethnos perdíu", identificando asina a ésti cola tierra.
Nesti puntu hai que decatase de los dos planos dende los que tratamos d'analizar esti ámbitu: dende'l planu individual de pertenencia cultural pue ser qu'efectivamente l'elementu territorial nun seya demasiao importante (esto ye, el sentimientu de pertenencia), pero dende'l planu global o ideal del ethnos sí que lo ye ( el grupu cultural en sí, como talu). Esta consideración da llugar a falar incluso del ethnos como una realidá munches vegaes cuasi esclusivamente espacial ya inda a identificar al ethnos con un territoriu nacional y tamién a la nación cultural con un mapa o terrén acutao.

Siendo l'espaciu físicu una parte importante nel marcu de pertenencia cabría la dulda de camentar la posibilidá d'esistencia d'un posible cambiu del territoriu paralelu a un probable cambiu o evolución nel ethnos. Nel casu asturianu, la vieya Asturia de los reis, dixebróse en dos entes o feudos territoriales eclesiásticos: l'Asturia d'Uviéu y l'Asturia de Santillana, dando llugar entós a les dos Asturies medievales, esto ye, a Les Asturies, en plural. Per otru llau exemplos hai de naciones ensin un territoriu. Mesmo los antiguos Ástures formaben una nación en sentíu ideal, como una confederación defensiva y d'apoyu recíprocu, ensin una idea territorialista clara del so ethnos sinón más bien dotada d'una estructura onde predominaben los llazos de tipu xenéticu o tribal penriba los espacios territoriales. Notros munchos pueblos de l'antigüedá amás de los Ástures, la tierra nun yera el pegoyu de la organización social yá que ésta entendíase como propiedá comunal o compartida y tampoco entendíen la nación en sentíu territorialista como s'afitó depués na dómina del Reinu y como se suel concebir güei (como propiedá d'un solu señor o d'una corona). Los pueblos nómades de les grandes llaneres o ermos asienten la so nación a lo llargo la historia nos diversos territorios per onde van escurriendo. Los xudíos caltuvieron pela so parte una idea mui enraigonada del so ethnos per sieglos, recordando siempre la llexendaria hestoria y los mitos del vieyu reinu perdíu y manifestando un sentíu fondu de xuntura espiritual mui averao al conceptu de nación ensin territoriu común, fechu ésti algamáu nel sieglu XX cola creación exnovi del Estáu d’Israel y non ensin problemes bélicos con otres naciones, allugando una nación-estáu nel mesmu terrenu d'hai vente sieglos, enantes de la desaparición del vieyu reinu xudéu durante la Roma imperial.
Non obstante hai que considerar qu'el conceptu obxetivista de la nación que sigue prevaleciendo dende'l XIX, requier pal so desenrollu la configuración d'un elementu territorial como un elementu más, anque destacáu, sobre'l que se modulen y fluyen el restu d'elementos y rasgos identitarios. Pero tamién el conceptu volitivu o subxetivista del ethnos requier dalguna idea d'ámbitu espacial que se manifieste dao que los grupos humanos desenrollen les sos motivaciones individuales, les aspiraciones colectives y polo tanto, la so afectividá, vida y cultura sobre un espaciu, una tierra o un territoriu determináu al que se vinculen y al que se sienten d'una manera o d'otra lligaos.





Ethnos astur y l'ethnos asturianu

Nun hai que confundir los significaos del ethnos astur colos del ethnos asturianu. El primeru fai referencia a una realidá étnica descrita polos hestoriadores a partir de la que se noma esti ámbitu obxetivu como la nación de los Ástures y a la que siempre se trató d'asignar un espaciu físicu propiu que se conoz como'l territoriu de los Ástures o ámbitu territorial de la vieya nación astur. Esta nación de territoriu o ámbitu d'influencia imprecisu nun debió ser dafecho uniforme en términos obxetivos de raza y costumes como tampoco lo yeren el restu de naciones de l'antigüedá, como por exemplu los galos, los xermánicos, los íberos o los helenos. Anque los cronistes romanos veíen a los pueblos norteños d'Hispania como similares y afines, dientro los Ástures, como notros pueblos, había elementos comunes d'etnia, llingua y vezos pero tamién debió haber diferencies ente les diverses tribus. Éstes, de fecho formaben ente elles una organización de tipu confederativu d'ayuda mutua, especialmente pa l'entamu de la defensa y protección recíproca, siendo ésti fechu, yá que desconocemos prácticamente la so llingua astúrica y otros elementos culturales, el más importante elementu real de xuntura nacional de los vieyos ástures, elementu asociativu que da base precisamente al ethnos astur.
Destamiente, l'ethnos astur supón el primer pegoyu o cimientu conocíu sobre la esistencia d'un ethnos propiu nel espaciu asturianu, cimientu sobre'l que se llevantará o evolucionará lo que al cabu los sieglos va dir configurando una realidá obxetiva totalmente camudada y desenrollada que dará llugar a lo que conocemos güei como l'ethnos asturianu o como l’asturianidá..
Esti ethnos asturianu significa la realidá obxetiva y idealizada actual que configura ente otros parámetros el particular modu de ser, l'ámbitu hestóricu y colectivu de lo que supón Asturies. Polo tanto l'ethnos astur ye'l primer esllabón conocíu de la cadena evolutiva del ethnos d'Asturies que a lo llargo la hestoria va dar como resultáu l'ethnos asturianu actual. Asina entendíu, l'ethnos asturianu ye entós ensin dulda una probable continuación, espoxigue y evolución del vieyu ethnos astur, un resultáu del primer sustratu.
El territoriu del ethnos astur nun ye identificable col territoriu del ethnos asturianu, al igual que l'ámbitu de lo que pudo ser l'asturidá nun ye equivalente al ámbitu de l'asturianidá.
¿En qué momentu entós se produz esti pasu d'un ethnos astur a un ethnos asturianu? O dicho dotramiente: ¿cuándo naz l'ethnos asturianu o cuándo termina l'astur?. ¿Cómo estremar asturidá y asturianidá?. ¿Cuándo acaba Asturia y cuándo entama Asturies?. Como quedó apuntao enantes tamos falando de procesos hestóricos que como talos van espoxigando y desenrollándose selemente al cabu los sieglos, evolucionando y diluyéndose con toles nueves creaciones y apuertaciones al ethnos dende diversos campos que al cabu les dómines darán llugar a un ethnos evolucionáu, más nuevu y bayurosu, más completu y contemporaniu, adaptáu si cabe a la propia evolución humana y social del individu, de la colectividá y del propiu ethnos. Esti conceptu polo tanto nun ye una realidá estática nin arcaizante sinón que ye camudable, que de fecho evoluciona y vase modulando pasu a pasu, anque ciertamente con lentitú y de manera dificultosa.
Dalgunos destacaríen como factor de tránsitu delles creaciones o innovaciones que fairíen la función de configuradores inmediates del nuevu ethnos asturianu, certificando la disolución lenta del vieyu ethnos astur o céltico-astur. Estes creaciones podríen ser por exemplu la romanización, la instauración del Reinu d'Asturies y la so colonización y espansión, la cristianización, la repueblación interior del reinu o'l surdimientu del romance asturianu cola consiguiente disolución lenta del llatín y de l'anterior llingua céltica o indoeuropea de los ástures y en pareyo, cola estinción de les formes polítiques y organizatives que rexíen el mundu céltico-astur y que daría pasu, caúna d'elles o en conxuntu, a un nuevu ethnos evolucionáu, de base autóctona pero con elementos del ethnos romanu o llatinu, del xudeocristianu y inclusu del xermánicu, que llevaría llueu como resultáu la configuración d'una entamada y xorreciente nación específica non yá astur sinón asturiana. El procesu históricu que faiga qu'Asturia en llatín dea llueu como resultáu na Edá Media a lo que se conoz en romance como Les Asturies. El pasu del ámbitu asturum o asturorum al ámbitu asturiense.
Nun hai polo tanto un momentu concretu de dixebra o de tránsitu nesti desenrollu yá que como tolos procesos hestóricos y d'evolución llingúística o cultural, ye pola so naturaleza lentu, gradual, y resultáu d'una mui allargada configuración nel tiempu y nos espacios. Puesto que falamos d'un ethnos asturianu actual y no yá d'un ethnos astur, cabría entrugar cuálos son los territorios d'esi ethnos, esto ye los ámbitos físicos de la nación asturiana, de l’asturianidá, o dicho en términos políticos, resultaría necesario pa poder entender l'ámbitu del ethnos asturianu na so globalidá el precisar na midida lo posible cuálu ye l'espaciu físicu del mesmu, l'ámbitu físicu del territoriu nacional d'Asturies.



Desenrollu hestóricu del ámbitu del ethnos asturianu

Los primeros testimonios de la presencia del ser humanu nel territoriu que nos ocupa daten del Paleolíticu inferior. Aparte de la recién ayalga de los guesos humanos de la Cueva del Sidrón, de posible fase evolutiva Neandertal, los restos más antiguos atopaos del Paleolíticu asturianu son l'alcuentru d'un hachu Achelense de sílex d'Avilés y otra de cuarcita de Lancia, actualmente depositaes nel Muséu Arqueolóxicu de Madrid. Dende equí los restos atopaos son perbayurosos tanto del Neolítico como de la Edá los Metales. Como específicamente asturiana hai que calificar la nomada Cultura del Picu Asturiense, a la que hai qu'amestar otres cultures compartíes col nordés peninsular como la de los castros o castreña, yá mui posterior a la celtización , comprobada esta a través de datos toponímicos y llinguísticos, y los que se refieren a la relixón pagana o celta (el cultu a los ríos, fontes, árboles y montes), y los elementos qu'iguen la so organización familiar (matriarcáu, covada, potestá del tíu maternu).

Les primeres referencies sobre un ethnos o nación estremada nel territoriu al que nos referimos son les d'Estrabón (66 aC - 24 dC) que fala del pueblu (nación, país) de los Ástures, nome ésti que yá esistía dende antes de les guerres d'ocupación romana, d'orixe autóctona ya incierta. Anque dalgunos apuntaron que l'etnónimu provién del hidrónimu col que se conocía al ríu Esla (Ástura) resulta estraño qu'esi xentiliciu axuntara tribus y tierres tan alloñaes d'esti ríu, polo que ye tamién probable que los romanos conocieren primero al ríu (flúmine, en femenín) por sirvir precisamente de frontera amañosa cola nación de los Ástures, de la que tomaría enseguida esi nome. Apúntase'l raigañu indíxena Ast- como sinónimu de "agua" o inclusu "piedra" según delles teoríes, y posiblemente pudiendo significar "ástur" daqué asemeyao a nativu "del país del agua y/o de la montaña". Los romanos tomaron esti términu indíxena, siendo los primeros en trascribilo al alfabetu y a la grafía. Con esti términu llinguísticu iguaron el nome neutru xenitivu asturum (de los ástures), quizabes el del territoriu: Asturia, y tamién l'axetivu Astúricus-a-um que más bíen aludíiera a la nueva capital del Conventus, Astúrica Augusta (Astorga), ciudá que probablemente fora un antigu castru ástur. Los romanos nomaron IUGA ASTURUM (Montes de los Ástures que llueu na Edá Media conoceríense como Los Montes Asturianos) a lo que guei nomamos la Cordalera Asturiana. L'Imperiu desllendó el territoriu dende l'Ástura pa la mar afinxándolu alministrativamente d'un xeitu arbitrariu pues nun hai por qué confundir el territoriu del antigu país de los ástures esactamente coles llendes del nuevu conventu xurídicu trazáu pol Imperiu (el Conventus Asturum) y ello porque Ástures y Cántabros calteníen unos llazos políticos de xuntura efectiva que se materializaben nuna especial confederación defensiva y fraternal pues compartíen tanto territoriu como unes afitaes aspiraciones d'independencia frente al común invasor itálicu. Les llendes de los pueblos antiguos nunca yeren lliniales sinón que solíen ser discontinues y consistíen más bien en zones d'influencia marcaes por grandes viesques o zones despoblaes intermedies como tierra de naide y de separtación. Sí que debieron esistir "fronteres de tensión" ya influencies recíproques en llugares bien poblaos y lluches pol control de los recursos naturales ente pueblos comarcanos o vecinos, como ye normal en toles zones d'interconesión fronteriza, pero dientro too ello d'un ámbitu de convivencia recíprocu como yera avezao nestos pueblos antiguos.
Como exemplu d'ello, na cuenca del Ástura y del Cea (Lancia) que yera territoriu de frontera, la convivencia ente Vadinienses, Ástures y Vacceos debió ser inda más fructífera si cabe, según indica la prosimidá de los restos atopaos indicando qu'estos pueblos compartíen non sólo espaciu sinón pue que tamién vida, fechu esti consideráu como normal o habitual nestos pueblos célticos y perantiguos. Ello nun quita pa que les llendes de los pueblos efectivamente fueren camudando col tiempu, asina sábese que los ástures tresmontanos yeren el pueblu más numberosu n'individuos de tol norte ibéricu y el so territoriu, el más densamente poblao. Según les referencies y debío a esta densidá humana hubieron espandise esperiemtando un desplazamientu migratoriu escontra l'este, allugando más p'alló del Seya, desplazándo o más bien fundiéndose colos Vadinienses y tamién esti mesmu valle recibía constantes afluencies humanes procedentes de la meseta al sur del cordal (de la ciudá astur de Lancia), siendo ello prueba d'un tráficu poblacional norte-sur pela cordalera perimportante, y refugando ello la errónea idea de la inmobilidá d'estos pueblos.



Ye de notar dotramiente el valor territorial que los romanos concedieron de siempre al pueblu de los Ástures, aínda yá dende antes de la conquista, dándo-yos relevancia sobremanera como ente nacional y territorial específicu. Ello pruébase gracies al nome propiu col que designaron al nuevu conventu dende'l primer momentu y ello debío a que los romanos nun inventaron un nome nuevu pal territoriu nin pa los sos habitantes sinón qu'acepten como oficial el yá esistente, prueba de que yá yera asina conocíu dende antes como territoriu astúricu. Asina los mesmos romanos siempre falen d'una gens Cantabrorum y d'una gens Vaccaeorum, pero pol contrario tienen siempre claro la idea xeográfica d'una Asturia. En tiempos de Dioclecianu (añu 289, sieglu III) decídese crear una nueva provincia, la Provincia Nova Asturie et Gallaeciae, axuntando los trés conventus, el Asturum , Lucense y el Bracarense, rescatando asina división alministrativa fecha anteriormente por Caracalla pero que nun debió sobrevivir al so reináu. Mui posteriormente apaez la idea espacial d'una Gallaecia axuntando idealmente los territorios Lucense y Bracarense baxo esta sola denominación, idea acentuada precisamente cola creación de la nueva provincia. La provincia d’Asturia y Galecia axuntaba, como se dixo enantes, los anteriores conventos Asturum, Lucense, Bracarense nuna nueva entidá superior, como provincia imperial separtada de la Tarraconense debío a la so llonxanía con Tarraco. Col tiempu esta Nova Provincia pasó a designase comunmente polos xeógrafos nes sos descripciones col solu nome más abreviáu de Gallaecia en parte debío a la situación de la so ciudá capital de Lucus Augusti, un allugamientu de fundación más antigua, si bien el nome oficial facía referencia a estos dos entes territoriales yá conocíos. El territoriu d'esta nueva provincia d’Asturia y Galecia tamién camudó algamando hasta la fonte del Ebru (hasta'l valle del Nansa o Saja), dixebrándose asina oficialmente toos estos territorios de los de la provincia Tarraconense. Ello confirmaría la espansión de los Ástures o de la so influencia hacia l'Este, amestando zones de la gens cantabrorum y vacceorum pal Conventus Asturum dientro yá de la Nova Provincia diocleciana.
Con too hai que remembrar que'l nome y la idea xeográfica d'Asturia yeren bien conocíos na metrópoli romana, non sólo polos diez llargos años de guerres astúriques que requirieron la presencia del propiu emperador Augustu nel insurrectu país de los Ástures, sinón porque Asturia tamién yera conocío por ser un país ricu en mines d'oru, industria que los Ástures desenrollaron y que de fechu suponía ún de los obxetivos d'interés máximu pa la economía del Imperiu. Asturia conocíase tamién en Roma por suministrar los perconocíos caballos asturcones pal exércitu y pa les carreres del circu.

Plinio refiérse a la regio de los Ástures y al conventus de los Lucenses pero sorprende que nunca se señalen más fronteres ente etnies que les meramente alministratives, frutu de la política militar ya imperial diseñada dende Roma. Y ello porque como asocedía notros pueblos de la Europa céltica, les fronteres de los Ástures colos Cántabros, Vacceos, Vetones, Lusitanos, Lucenses o Bracarenses yeren imprecises, permeables y de pocu valor dixebrador. Por exemplu sábese que los Ástures cohabitaben y compartíen pacíficamente territoriu colos Vadinienses nel mesmu valle del Ástura y lo mesmo asocedería nel del Seya, nel Navia y notres zones de frontera con otros pueblos vecinos y prósimos culturalmente. La mesma agüa del ríu Ástura debió ser propiedá compartida d'Ástures y Vacceos pues como quedó dicho convivíen pacíficamente nel mesmu valle, anque per otru llau y oficialmente, el ríu sirvía d'afayadiza y precisa llende conventual pa l'alministración romana. Hai que tener en cuenta que los romanos usaron los ríos como fronteres por razones práctiques yá que carecíen de mapes al usu mentantu que pa los pueblos célticos los ríos nun podíen ser otra cosa más qu'elementos compartíos y sagraos de xuntura y convivencia pacífica. El datu de que los romanos atoparen más similitúes que diferencies ente los pueblos de la cornisa ye sintomático d'esti posible continuum cultural o panceltismu y de les probables influencies y intercambios recíprocos. De les posibles diferencies llinguístiques nun nos queden guei pruebes, pues anque la celtización del norte peninsular (entamada primeramente hacia'l sieglu X aC) foi xeneralizada non debió resultar de tal xeitu que diera llugar a un total uniformismu idiomáticu sinón que debió haber diferencies y variantes llinguístiques nun territoriu tan ampliu y ailláu como'l nordés de la península d'Hispania. Feches estes precisiones y como señala Uría Ríu ye asegurable qu'el territoriu de los Ástures algamara dende Valdeorras, El Bierzu, l'Altu Navia, Ibias, Valledor y xerra d'Ancares hacia l'este y que la so zona d'influencia llegara hasta la Riba de San Vicente y dende la costa hasta los valles del Esla y Cea y del Dueru. Asina dende un puntu de vista estrictamente étnicu, naquelles dómines los actuales territorios d'Ibias, Ancares, El Bierzu, Suarna o Negueira yeren d'etnia ástur mentantu que los d'Amieva o Onís yeren de la etnia vadiniense (cántabra). Lo que vien a dicinos que'l sustratu étnicu antigu nun tien por qué predeterminar una presunta correlación col ethnos xenéricu nin muncho menos col ethnos resultante o actual puesto qu'evoluciona y por supuesto tampoco ello va determinar les arbitraries y bien de veces imprecises y camudables divisiones alministratives que la organización imperial romana iguó nel teritoriu, divisiones que ciertamente nun habríen siquiera de ser conocíes pol pueblu llano y que en tou casu nun facíen nenguna función de barrera o separtación de la población dao que Roma favoreció siempre tou tipu d'intercambios, movimientos y mestizaxes. Hai que remembrar qu'Asturia yera'l territoriu más montañosu de tolos que na península hispana allugaben pueblos autóctonos y amás alcontrábase mui densamente poblao, siendo estos datos si cabe los más determinantes a la hora d'analizar los oríxenes y los ámbitos del ethnos resultante.

Los Ástures caltuvieron la so especifidá étnica y el so etnónimu nacional durante y depués de la dominación romana frente al homoxenizador Hispani col que se nomaba al restu tribus ibériques salvo los Gálaicos o Cálaicos , Cántabros y Váscones, que tamién teníen como los Ásturi, el so xentiliciu específicu.
Los romanos solíen referise a los Cántabri como una gens mentantu que al empar caltuvieron siempre una afitada noción territorial d’Asturia como posteriormente de Gallaecia. Non obstabte, el nome de Gallaecia nun surde nun principiu como nome d'un ethnos xenéricu o un pueblu ampliu sinón sólo como etnónimu d'una sóla tribu, la de los KallaiKoi. Asina, el procesu de consolidación de la Gallaecia como entidá territorial nun foi inmediatu sinón que requirió un llargu tiempu: nun principiu los Kallaikoi que recueye Estrabón yera'l nome d'una sóla tribu asitiada al norte del Dueru lusitanu contra la que los romanos llevaron alantre una llonga guerra, asina el xentiliciu de los Calaicói pasó a nomar non yá a esta tribu del baxu Dueru sinón a toles tribus y etnies allugaes indistintamente al norte de la Lusitania nel nordés peninsular. Tres una etapa de falta de reconocimientu de la so entidá propia como territoriu, (cuando l'etnónimu xenéricu yera Lucenses y Bracarenses), y na que se la lligaba a otros entes territoriales yá afitaos como la Asturia o la Lusitania, foi necesario un creciente afitamientu d'esti etnónimu tribal ( los Callaicus, Callaeci, como se nomó a tolos pueblos del nordés y del norte del Dueru lusitanu) que llevará nel sieglu III a consolidar oficialmente este nome de "Gallaecia" xunto al d’Asturia como'l nuevu topónimu yá con categoría de Provincia (de tipu imperial y non senatorial) esgayada de la Tarraconense y qu'axuntaba alministrativamente una amplia estensión abarcando tierres y pueblos estremaos, que si bien nun yeren sólo étnicamente Kallaikói, nin Callaeci o Gallaeci, puesto que la nueva provincia axuntaba tanto a Ásturi como a Cántabri, Vaccei y otros pueblos del nordés dientro toos ellos d'una nueva gran unidá alministrativa nomada oficialmente Provincia Nova Asturie et Gallaecia. La llende d'esta nueva provincia cola Tarraconense parez qu'algama hasta Iulióbriga, nes mesmes fontes del Ebru y tamién según dalgunos hestoriadores a les del Dueru. Asina lo entiende la Notitia Dignitatum de fines del s. IV sobre repartu de tropes y lo mesmo Orosiu y San Isidoru (Etimoloxíes XIX) qu'inclúin dientro la provincia Asturiae et Gallaeciae a tol territoriu hasta la fonte del Dueru. Esta nueva provincia d'Asturia y Galecia foi resultáu como s'apuntó enantes de la reorganización territorial del Imperiu fecha por Dioclecianu nel 289 y yera muncho más amplia que los anteriores conventos de Lucus, Brácara y Asturum xuntos pues como reiteramos algamó territorios muncho más pal Este, incluyendo non sólo a la gens Cantabrorum sinón tamién al territoriu de los Vacceos, esto ye, ametiendo-y bona parte del anterior Conventu Cluniense, esto ye.: amplianto el Conventus Asturum hacia l'eEste.
Yá anteriormente en tiempos de Tiberiu dixébrase a la tarraconense en trés legatus , unu d'ellos con xurisdicción en Asturia et Gallaecia, el legatus Asturiae et Gallaeciae, quizabes un precedente que motivara la idea de dixebrar la Tarraconense axuntando los conventos de Lucus, Brácara y Asturorum nuna sola y nueva provincia imperial.
Los romanos estremaron entre los Ásturi tresmontanos y los cismontanos o augustanos, respectivamente al norte y al sur de la Cordalera Asturiana o IVGA ASTURUM. Si bien la Cordalera nunca foi un elementu dixebrador pa los Ástures sí ye cierto qu'esta foi una torga pa la romanización, más intensa na zona augustana que na tresmontana. Si nel sur florescíen les nueves ciudaes, pel norte calteníense la xixilancia y les fortificaciones militares romanes pal control de la población tresmontano que paez ser vivía más espardida pel territoriu de los valles si bien les nueves escavacionesvan amuesando cada vez más y mayores focos ciudadanos y agrupamientos cívicos importantes de pueblamientos astures dientro la rexón tresmontana.
La invasión sueva asina como'l nuevu reinu visigodu de Toledo tuvieron los dos poca presencia efectiva nel territoriu astur, especialmente nel tresmontanu, tan alloñáu y periféricu pa ellos. La presencia de miembros de l'alministración d'estos reinos xermánicos foi tan sólo episódica y básicamente pa recaldar tributos o pa sofocar rebeliones. Les cróniques cunten griesques de los Ástures y campañes militares de castigu contra éstos por parte de los reis toledanos inclusu hasta principios del s. VII (les guerres defensives contra Witericu y Sisebutu). Chindasvintu amplió a ocho les provincies cola creación de la Asturiensis qu'incluyía l'antigu territoriu de los Vadinienses, (respetando la mesma ampliación del Conventus Asturun hacia l'Este de la época de Dioclecianu), territoriu consolidáu asina como un territoriu más d'Asturia, del so ethnos, y que posteriormente sedrá solar o bierzu del futuru Reinu de los Ástures.
Nesta dómina caltenemos solo la noticia referida a la persona del padre del Rei Pelayu, el Duque Favila, que se supón natural d'esti territoriu pues poseía grandes propiedaes nél y tamién cabe mentar les fontes de la tradición popular que sitúen el llugar de nacencia del Rei Don Pelayu en tierres de La Llébana, en concretu nel pueblu de Cosgaya. Fora de la península d'Hispania el cosmógrafu anónimu de Rávena nel s. VII tamién mencionaba a Asturia como una provincia goda pero la escasa presencia del estáu godu n'Asturia fizo qu'el territoriu siguiera aínda escasamente romanizáu y ensin cristianizar. Xurídica, social y relixosamente los Ástures caltuvieron el so mundu, ablugaos al norte los montes astúricos nel so hábitat pobláu de cientos de castros o castiellos, asentamientos colectivos y defensivos o bien de manera disperso siguiendo un modu de vida rural, agropecuario o pesquero. Les úniques ciudaes relevantes na zona tresmontana yeren los vieyos allugamientos de Lucus Asturum, Noega-Gigia, Portus Vereasueca y Flavionavia. Más importantes y bayuroses yeren les ciudaes del sur: Astúrica y Legio. Prácticamente nun hai restos cristianos relevantes d'esta dómina y amás l'Asturia tresmontana aínda nun tenía obispáu. Una de les primeres fundaciones monástiques nel territoriu foi la de Santu Toribiu de Palencia nel Altu Deva (La Llébana) nel s. VI y la de San Fructuosu del s. VII nel Bierzu. La relixón pagana yera xeneralizada nesta dómina. El pueblu astur caltenía unos ritos máxicos, telúricos, astrolóxicos y espirituales que munches veces teníen una función práctica, como los rituales adivinatorios, o d'auguriu, pa saber el meyor día pa semar, facer una casa o casase. Otros ritos máxicos evitaben l'agüeyamientu, les enfermedaes, les plagues o'l granizu. Honrábase a mures y polilles pa protexer colleches y ropa. Nos ritos d'iviernu los homes antróxábense con pelleyos d'animales. Practicábase'l cultu a les fontes, arboles y peñes a los que se-yos ufiertaben ramos y veles. El lloréu protexía les puertes de les cases contra'l mal. El Texu yera l'árbol sagráu y protector. Siguíen ritos de cultu a Mercuriu los miércoles tirando piedres nun amaciñu y rezando a Minerva les muyeres que texíen. Estes tradiciones máxiques y astrolóxiques del pueblu espliquen el pocu frutu que tuvieron los predicadores y ermitaños cristianos y per otru llau consoliden n'Asturia el trunfu del priscilianismu. Apúntase que la tumba atopada y venerada depués en Compostela n'época d'Adefonsu II el Conquistador nun ye otra que la de Priscilianu. Esta tardía y escasa romanización y sobre too escasa cristianización ye precisamente unu de los sustratos destacaos na configuración y evolución del ethnos asturianu que tratamos.
La definitiva cristianización del pueblu Ástur y la introducción del derechu y les estructures romanoxermániques van consolidase definitivamente col surdimientu del nuevu estáu independiente: el Regnum Asturorum, el Reinu de los Ástures. El Derechu romanogodu, el Liber Iudiciorum, compiláu polos reis visigodos va implantase como Derechu escritu oficial asina como la relixón cristiana y dirán espardiéndose pel territoriu mediante una incipiente organización estatal, (monarquía, nobleza, cleru, exércitu) na que Ilesia y Estáu van xuntos na común misión de consolidar el Reinu y de defendelu contra la menacia del Islam, idea de la qu'el pueblu pronto va decatase amparándose asina nel nuevu Reinu de los Ástures y asumiendo llueu la so causa . Destamiente, el nuevu Estáu asturianu sírvese de la Ilesia identificándose con ella, como mediu d'espansión y lexitimación divina del poder estatal , y la Ilesia pel so llau cumple una perimportante misión na consolidación, espansión y santificación del Reinu astur desenrollando importantes funciones estatales y organizatives: la fundación de conventos reales pelos valles, l'alministración y organización de territorios, la colonización, cristianización y repueblación de nueves tierres ye imparable, fecho too ello cola protección del nuevu Reinu y del so real símbolu: la santa cruz.
Estinguíu el reinu visigodu cola invasión árabe, el nuevu Estáu astur dende'l so centru fundacional de Cangues y llueu dende Uviéu , escomienza primero una espansión y conquista hacia l'oeste y Galecia , estabilizándose asina internamente y depués hacia'l sur nun llongu periodu que se conoz como la Repueblación dientro too ello d'una política estatal espansionista de tipu imperial llevada alantre polos sucesivos monarques asturianos como una política d'estáu, con constantes lluches contra l'Emiratu de Córdoba, que permitirá non sólo enanchar el Reinu sinón asegurar la so defensa mediante grandes zones despoblaes de frontera primero que llueu yeren repoblaes y colonizaes. Con Adefonsu III el Grande el Reinu algama'l so mayor puxu y espansión territorial enantes de la segregación de Castiella y Portugal, fechos estos que dirán debilitando'l Reinu. El territoriu del Estáu asturianu algama con Adefonsu III el Grande dende Galecia al territoriu de los vascones (hasta'l Nervión) y de les costes del norte a la estremadura sur del valle del Dueru. Too ello con constantes lluches y menacies frente al poder del Islam na península. Por ello, y pa defender al Reinu na so frontera este, Adefonsu el Grande decide fortificar tola zona fronteriza de Bardulia con poderosos castiellos defensivos, zona ermo que depués conoceríase precisamente como la tierra de castiellos o “Castiella”. El mesmu monarca asturianu funda tamién la ciudá de Burgos dientro d’esta política de consolidación fronteriza del Estáu. En morriendo Adefonsu III el Grande, los sos trés fíos repartiéronse’l Reinu asturianu: Fruela II foi rei d’Asturies nle norte, Ordoñu II foi rei en Lleón y García quedóse con Galicia.
Relevante ye l’afitamientu de Legio como capitalidá política d’Ordoñu II dende’l 912 y la posterior consolidación de Castiella y de Portugal como condaos independientes y llueu como Reinos esgayaos del Asturlleonés. Los trés reinos cristianos van llevar alantre la reconquista xuntos pero tamién con constantes guerres y anexiones ente ellos y con polítiques espansives de les que va salir trunfante Castiella que terminará ametiendo al vieyu reinu d'Asturies y de Lleón baxo una sola corona castiellana.
Otru datu perimportante na configuración del nuevu ethnos ye'l nacimientu del romance asturianu, el surdimientu del asturianu o asturlleonés como llingua escrita y documentada per primer vez nel Fueru d'Avilés (copia del añu 1155, s. XII).
Na Edá Media consolídase el poder de nobleza y clero asturianos que van dir ametiendo cada vez más poder embaxo l'amparu real. Na Edá Media, aparte de los conceyos llibres o de realengu, los señoríos tanto nobiliarios como eclesiásticos conviértense nes Asturies en verdaderos estaos feudales con importantes lluches de poder ente ellos y frente al rei castiellanu. Destacables pola so importancia son los señoríos de los Quiñones, Álvarez de las Asturias, Miranda, Quirós y los eclesiásticos de la Iglesia de San Salvador d'Uviéu, la mitra ovetensis, que governaba Uviéu y gran parte del centru y occidente d'Asturies. Tamién importantes territorialmente yeren los monasterios de Courias, de Nava, Santo Toribio de Llébana, San Vicente, Curniana, Belmonte, Vilanova d'Ozcos y San Pedro de Villanueva, ente otros, que governaben grandes territorios dispersos y especialmente importante foi el monasteriu de Santa Iuliana, convertíu nel s. XII gracies al sistema feudal imperante nel mayor propietariu de territoriu nes Asturies depués de la Ilesia d'Uviéu.
Dende l'Alta Edá Media conocíase como Asturies al territoriu ente los puertos de montaña y la mar que diba dende los ríos Eo al Miera. El territoriu asturianu perteneciente al monasteriu de Santa Iuliana vien nomándose dende'l s. IX Asturies de Santa Iuliana y dende'l XIII aparez documentáu como Asturies de Santillana. Anteriormente a estos sieglos esti territoriu yera nomáu simplemente Asturies non sólo como antigua parte orixinaria del Reinu asturianu sinón como entidá cultural, llinguística y social, integrante y conformadora del mesmu ethnos asturianu común. Sin embargo los pleitos xudiciales entamaos pola mitra ovetense sobre la propiedá d'estes Asturies dieron como resultáu la so asignación al ámbitu del obispáu de Burgos nel añu 1184 por una sentencia eclesiástica. Depués, les llendes alministratives de la corona castiellana tendíen a imitar y respetar les divisiones eclesiástiques colo que les Asturies de Santillana solíen aparecer oficialmente vinculaes al ámbitu de los tribunales y funcionarios de Burgos. Oficialmente Les Asturies de Santillana foron consideraes sólo a efectos oficiales como parte de Castiella, integraes baxo’l mesmu ámbitu alministrativu y eclesial del caput castellae burgalés. Pero los habitantes d'esti territoriu, Les Asturies de Santillana, como asturianos yeren apellidaos y asturianos se dicíen, y como talos s'identificaben y yeren reconocíos durante los sieglos venideros.
El territoriu de les Asturies pel occidente terminaba hestóricamente nel cursu del ríu Eo y nel Pico Miravalles na serra ancaresa enllazando pel interior del Altu Navia, territorios que pertenecen documentalmente al territorio asturiense hestóricu, iguáu colos territorios de Grandas, del monasteriu de Vilanova y de la propia mitra ovetense que los clatuvo de xeitu oficial hasta mui recien.
La división provincial decretada finalmente pol ministru Javier de Burgos en 1834 nun respeta los vieyos territorios hestóricos asturienses o asturianos que re seducen a partir d’entós a los incluyíos nos límites de la nueva "Provincia de Oviedo". Les tierres interiores de la Ripa de Ove al este del ríu Eo, les agües norteñes de Sayambre y Valdeón y les tierres de la ribera del ríu Deva queden asina esgayaes y sustraíes del so hestóricu ámbitu asturianu. Unu de los últimos actos de la yá moribunda Xunta xeneral asturiana foi precisamente una elevación formal de la so unánime protesta pola supresión del nome d’Asturies y una defensa de los sos hestóricos y tradicionales derechos territoriales. La Xunta Xeneral quedó formalmente suprimida el 8 d’Avientu de 1834 al constituíse la nueva “Diputación Provincial de Oviedo” presidida por un xefe políticu de calter alministrativu a la manera de los prefectos franceses.
L'estáu autonómicu consagra los mesmos límites d'esta provincia ovetense que depués pasa a nomase "de Asturias" al igual qu'el nome de la Comunidá Autónoma uniprovincial a la que pertenez y que oficialmente recibe'l nome de "Principado de Asturias". Reinstáurase la Xunta Xeneral como parlamentu asturianu y un Estatutu d’Autonomía renueva o ameyora a les vieyes Ordenances hestóriques del Principáu. Per otru llau una base social nel últimu terciu del s. XX reclama non yá l'apelativu monárquicu de "Principado" sinón el de “nacionalidá hestórica” como antigu Reinu independiente y el de Nación asturiana asina como la recuperación y el respetu a los derechos históricos d’Asturies.




La custión de los límites históricos d’Asturies y los límites alministrativos

Asturies ye unu de los territorios históricos que tien los sos límites espaciales tradicionales más claramente finxaos y delimitaos. L’ámbitu históricu d’Asturies nun pue ser más precisu y afitáu: Les Asturies son la tierra comprendía ente’l cursu enteru del ríu Eo hasta’l ríu Miera y dende los puertos de montaña divisorios de vertiente d’agües hasta la mar atlántica.

Esti territoriu hestóricu de lo que ye Asturies sodivídese asinamesmo en dos territorios hestóricos: l’Asturia d’Uviéu y l’Asturia de Santillana, l’Asturies occidental y la oriental de les qu’el ríu Deva fai xuntura más que separtación. Del Eo al Miera, del Picu Miravalles al Puertu Piedrasluengas hai una llinia trazada pola hestoria milenaria d’un territoriu hestóricu que se noma a si mesmu como Asturies.

Sin embargo los límites hestóricos de les Asturies van alterase y recortase minorizando darréu el so ámbitu hestóricu y cultural mediante una dixebra alministrativa frutu de la reorganización racionalista y centralista llevada alntre pol Estáu lliberal hespañol emerxente a partir del constitucionalismu de 1812 qu’aspiraba a camudar dafechu tola estructura y organización territorial de la vieya monarquía hispana pero que por vaivenes políticos nun pudo materializase hasta 1834 cuando se creen les nueves provincies d’Oviedo y de Santander. Los límites orixinarios d’estes dos provincies sufrieron un cambiu debío a les constantes y series protestes de dellos conceyos allugaos nel valle del Deva, como foi el casu de Tresviso, Ribadedeva y Peñamellera, que reclamaben con insistencia el so deséu de pertenecer a la provincia d’Oviedo, a pesar de la so mayor prosimidá xeográfica cola ciudá santanderina, elexida nueva capital provincial en detrimentu de Laredo, capital hestórica que reclamaba pel so llau los derechos de capitalidá y el tamién nome oficial de la provincia. Asina, los conceyos más occidentales de les Asturies de Santillana sentíense más vinculaos por afinidá cola provincia ovetense que cola nueva provincia santanderina que terminó por axuntar territorios enantes pertenecientes a Palencia y Burgos pa poder facer asina una provincia mayor y de más estensión y pesu económicu. Les protestes poles nueves divisiones provinciales dieron como resultáu que los conceyos de Ribadedeva y Peñamellera pasaren pa la provincia d’Oviedo por un Real Decretu.

Les llendes alministratives tanto civiles como relixoses vienen acutando a lo llargo la hestoria diversos marcos territoriales más o menos estables o precisos y dixebrando sobre'l papel mesmo a valles que poblaciones
Los dominios de los señoríos medievales , eclesiásticos y civiles, foron desllendando y marcando si cabe los ámbitos del ethnos, obligando a la población a enraigonase na tierra, a desplazase a unu o otru centru o capital si quería pleitear o tratar cola Alministración y creando la so hestoria alredor d'unes llendes marcaes polos espacios del dominiu y de la influencia señorial sobre los valles asturianos, acutaos especialmente pola orografía y pola mar, verdaderos marcadores de fronteres nel pasáu, especialmente nos duros meses d’iviernu.

Asina conocíense polo tanto a Les Asturies: había una Asturies d'Uviéu (del ríu Eo al Deva) y una Asturies de Santillana (del ríu Deva al Miera), dixebrada tan sólo polos dominios de la propiedá monástica y por títulos de propiedá y tamién polos pleitos de llendes episcopales ganaos o perdíos por unu o otru obispáu, pero non por ello el pueblu resultó dixebráu continuando si cabe cola so hestoria común, xeografía compartida, mitoloxía, costumes, vezos, llingua o ethnos común: l'ethnos de Les Asturies. Tanto los d’Uviéu, los de la mitra ovetensis, como los de Santillana se consideraben asturianos y como asturianos se dicíen.
Col tiempu l'ambitu del ethnos asturianu va perdiéndo terrén pel Este debío a influencies tanto sureñes como orientales pero inda güei se caltién esti marcu obxetivu y tamién si cabe subxetivu, especialmente nos valles del Deva y Nansa.
Na Alta Edá Media les divisiones alministratives de la corona yeren enforma arbitraries y nun van responder a realidaes xeográfiques o hestóriques consolidaes sinón a conveniencies de tou tipu. Asina les Asturies d'Uviéu formaben una sola unidá alministrativa (nomada en términos oficiales condáu o merindá) llueu d'esgayase de la merindá de Lleón en 1369. Pol contrario, territorios como La Llébana y Pernía (güei norte de Palencia) formaron una sola merindá alministrativa. Otru exemplu de la irracionalidá de les llendes alministratives ye la de la merindá o provincia de Toro que hasta 1803 taba formada por dellos territorios discontinuos y alloñaos ente sí. La organización eclesiástica del territoriu sobreponíase y yera diferente a la civil y tampoco siguía unos parámetros d'estremadures culturales, climátiques o llingúístiques.
Uviéu foi arzobispáu, penriba los obispaos de Lleón y Astorga, recuperando con ello una lexítima aspiración y superioridá hestórica debío al antigu Reinu como sede primada y metropolitana . Les llendes orientales del Obispáu d’Uviéu llegaben hasta San Vicente de la Barquera, nel territoriu políticu de Les Asturies de Santillana, pero per otru llau, La Llébana que pertenecía xeográficamente al teritoriu hestóricu de les Asturies de Santillana anque col derechu de merindá propia debío en gran parte al so peculiar aisllamientu orográficu, formó parte de la diócesis de Lleón y del arcedinazgu de Saldaña, mentantu que Santander hasta que llogró un obispáu propiu dependió como territoriu del obispáu de Burgos dende los pleitos ganaos al d’Uviéu nel sieglu XII.

Nesti sentíu los límites políticos, alministrativos y eclesiásticos foron cambiando col tiempu nun sentíu o notru pero nun hai que confundir estos límites col ámbitu propiu del ethnos que ye’l qu’intentamos desplicar equí, anque sí que puen llegar a condicionalu nun tienen por qué ser equivalentes. Quier ello dicir qu'el fechu de que fuera'l ríu Deva la llende ente les dos Asturies débese a necesidaes referenciales y a los fechos y datos continxentes, como son los títulos de derechos de propiedá monásticos sobre la tierra o la vieya sentencia nel pleitu de la mitra d'Uviéu contra Burgos, y non a fechos dixebradores de la realidá obxetiva y cultural del ethnos. Sólo un mui llargu procesu temporal y una educación o adistramientu de la población pue alterar l'ethnos camudando estos finxos delimitadores orixinariamente arbitrarios y utilitarios en nueves señes d'identidá diferenciada, en fronteres, o inclusu en compartimentos estancos dientro del mesmu ethnos que torguen el so desenrollu evolutivu en pareyo. La propia delimitación del ríu Deva como llinia divisoria imaxinaria de les dos Asturies nun dexa de ser un exemplu de que la hestoria de los pueblos dibuxa ámbitos míticos de referencia espacial pero tamién que la hestoria de los Estaos modernos nun se va establecer precisamente por mediu d’estos marcos míticos, románticos o lliterarios sinón por llinies divisories de departamentos o provincies que a la llarga van dixebrar a los individuos como suxetos alministraos y empobinaos pa dientro d’una o d’otra demarcación territorial milimétricamente prefixada nun mapa. Cualquier visitante que conoza el valle del Deva decataráse qu’esti sonsoneru cursu d’agua pue facer tou tipu d’usos menos el de frontera, puesto qu’esti valle asturianu y llebaniegu ye en si mesmu una unidá indixebrable físicamente. D’ello derívase polo tanto que l’afirmación repetida de qu’Asturies termina nel ríu Deva nun pue ser cierta, ye una media verdá según lo qu’entendamos por Asturies o en tou casu nun ye más qu’una convención imaxinaria yá que nel valle llebaniegu nun s’estremen les orielles o riberes sinón que son más bien los cordales los que marquen les distancies y en tou casu la pertenencia al ámbitu del ethnos asturianu ye clara. Nel casu del territoriu de la Llébana, xugaron más otros factores a la hora de l’adscripción de tol valle a la provincia santanderina como’l factor d’equilibriu o equiparación territorial coles importantes provincies ovetense y bizacína, pa lo que se debió amestar a esta nueva provincia intermedia tierres esgayaes de Burgos, y ello a pesar de la durísima oposición xurdida dende l’ámbitu burgalés. Asina foi cómo se creó la provincia de Santander, unes tierres qu’hestóricamente llucharon siempre por separtase del vieyu dominiu de Burgos, por diferenciase de Castiella y tamién hai que reconocelo siempre ficieron por reclamar una equiparación competencial y una mayor entidá que pudiera equiparales a los privilexos y poderes qu’esfrutaben los sos vecinos territorios del Principáu y de Bizcaya qu’hestóricamente gociaben de fueros y privilexos de Xuntes y goviernos propios. Frutu d’esta tendencia d’esgayase de Burgos foi l’intentu de creación en 1778 d’una provincia de Los Nueve Valles de Asturias de Santillana. Esta provincia d’Asturies de Santillana qu’axuntaba los nueve valles tradicionales del Deva al Miera surdió nun intentu de defender los intereses comunes d’estes tierres amás d’otros de tipu fiscal y social como la persecución del bandolerismu y la delincuencia. Esta agrupación asturiana pretendía reproducir no posible el modelu políticu de les sos poderoses vecines: el Principáu y Bizcaya, qu’esfrutaben dende vieyo d’importantes fueros, ordenances especiales, privilexos fiscales ya instituciones d’autogobiernu a través de les sos Xuntes Xenerales propies. El crecimientu de la ciudá de Santander, la meyora del so puertu col derechu de comerciar con América foron un importante factor tanto pa quita-y a Laredo la capitalidá política como pal surdimientu d’una provincia santanderina. Asina, Santander consiguió llueu un obispáu segregáu del de Burgos y en 1799 el Ministeriu de Facienda crea la provincia marítima de Santander axuntando l’antigu correximientu de les Cuatru Villes y la xurisdicción de Montes de Pas. Esti esgayamientu foi durísimamente retrucáu por Burgos pero tamién por Laredo que reclamaba tanto la capitalidá hestórica como’l nome de la provincia. Ello llevó a la supresión de la provincia marítima de Santander en 1805. Otra importante reforma ilustrada foi la surpesión en 1803 de la governación de Toro que supunxo la incorporación a Palencia de Reinosa y de tol Alto Campoo.

El Principáu d’Asturies cunta dende’l sieglu XIV cola Xunta Xeneral y con importantes fueros, con unes Ordenances o Estatutu propiu, con un goviernu y asamblea representativa y popular, agrupando a los conceyos llibres y a los potentes dominios feudales presentes nel territoriu o merindá de les Asturies d'Uviéu, convertíes honoríficamente en "principáu" por decisión del rei Xuan I de Castiella. La corona castiellana trató siempre d'amenorgar el poder de los estaos feudales o señoriales asturianos lo que orixinó constantes guerres nobiliaries y lluches civiles contra la corona. Pa contrarrestar el gran poder de la nobleza feudal asturiana los reis trataron per un llau

[astúricu]

El Principáu d’Asturies cunta dende’l sieglu XIV cola Xunta Xeneral y con importantes fueros, con unes Ordenances o Estatutu propiu, con un goviernu y asamblea representativa y popular, agrupando a los conceyos llibres y a los potentes dominios feudales presentes nel territoriu o merindá de les Asturies d'Uviéu, convertíes honoríficamente en "principáu" por decisión del rei Xuan I de Castiella. La corona castiellana trató siempre d'amenorgar el poder de los estaos feudales o señoriales asturianos lo que orixinó constantes guerres nobiliaries y lluches civiles contra la corona. Pa contrarrestar el gran poder de la nobleza feudal asturiana los reis trataron per un llau de favorecer a la Ilesia y per otru tamién facíen por promover la desvinculación de los valles asturianos de los sos respectivos dominios señoriales. Frutu d'esta política real ye la creación del principáu intentando asina solucionar los conflictos y guerres feudales que marcaron la hestoria medieval de Les Asturies. La política centralista y castellanizante entámase colos Reis Católicos qu'escomiencen un uniformismu políticu y un estatismu relixosu, que se continúa y aumenta colos habsburgu y colos borbones. El Principáu d’Uviéu cuntaba amás dende 1717 con una Real Audiencia d’Asturies, importante institución guvernativa creada ex novo, quizabes nun intentu centralista de suplantar o amenorgar los grandes poderes de la centenaria Xunta Xeneral que yera más bien vista pol absolutismu borbónicu como un parlamentu cuasi democráticu del qu’el poder monárquicu yera recelosu especialmente a partir de los años revolucionarios en Francia. Esti dualismu ente la Xunta y l’Audiencia llegó a xenerar importantes conflicos ente les dos instituciones. Sin embargo, a pesar d’esta importante entidá política que tenía el Principáu, Asturies d’Uviéu nun foi oficialmente considerada legalmente como provincia ministerial hasta 1799 yá qu’anteriormente dependía de la intendencia de Lleón y ello porque hestóricamente Asturies nun podía tener representación nes Cortes de Castiella por tener Xunta Xeneral autónoma, pero la ciudá de Lleón yera de fechu la que representaba como avogada d’Asturies los intereses d’esta nes Cortes castiellanes. La subdelegación ministerial de rentes asturiana tuvo el rangu d’intendencia en 1811 si bien les subdelegaciones formaes en 1799 nes nomaes “provincies marítimes” yeren equivalentes de fechu al restu d’intendencies de Facienda. Con too, la personalidá xurídica diferenciada de les Astureis d’Uviéu siempre tuvo perfectamente estremada y definida. Amás de la Xunta, Uviéu cuntaba con un solu correximientu, amás de tener Real Audiencia propia, muérganu instaláu sólo nos principales territorios hestóricos, vieyos reinos y virreinatos. Asturies tenía tamién un tratamientu censal diferenciáu lo que-y permitió disponer d’una base legal pa tener representación directa nes primeres Cortes o Parlamentos hespañoles. El Bierzu yera naquella época otru correximientu o provincia (igual qu’Asturies d’Uviéu) dependiente de la intendencia de Lleón.



Col tiempu, poco a poco va dir asumiéndose la idea de que Les Asturies d'Uviéu (el "principáu") son simplemente Asturies mentantu que Les Asturies de Santillana van quedando relegaes y esborriaes nun marcu indefiníu que les asocia bien a Castiella y a la so cabeza burgalesa (el “puertu de Castiella” por ser esta tierra perteneciente a la governación de Burgos) , a la realidá física del cordal (La montaña), o como parte del territoriu de la so capital oficial (La provincia de Santander).



La Ilesia de San Salvador d'Uviéu, yera propietaria dende la época de la Monarquía Asturiana de grandes posesiones per Galicia y pal sur rexía los arcedianatos en Babia, Coyanza, Gordón, Benavente y la Ribera del Bernesga. Citaremos por exemplu a otros monasterios asturianos como'l de Santa María de la Vega que poseía la Poladura de la Tercia y Valdescorriel y otres poblaciones alrodiu Benavente.

Depués de la conquista de Toledo y restaurada l'antigua sede episcopal, ésta reclamó tolos obispaos surdíos tres la invasión árabe como heredera de l'anterior primada toledana, a lo que s'opusieron les sedes d'Uviéu y Lleón que se consideraben sedes primades del reinu. So la base d'esto, la Ilesia metropolitana d'Uviéu, la mitra ovetensis, llevó alantre contenciosos hestóricos sobre llendes territoriales colos obispaos de Lugo y Burgos, pleitos que llegó a perder a favor d'éstos. Asina foi cómo Les Asturies de Santillana pasaron a depender del obispáu de Burgos dende l'añu 1184, en perdiendo la mitra ovetense los sos derechos sobre'l monasteriu de Santillana y l'alministración civil tamién tendió a amestar a estes Asturies baxo tribunales y funcionarios burgaleses, entamándose asina la dixebra alministrativa de Les Asturies, anque non la cultural y llinguística pues esti territoriu siguió non sólo calteniendo el so nome sinón que continuó calteniendo en bona midida el nexu de xuntura enraigonáu col ámbitu de Les Asturies. Mentantu pel occidente, anque perdíes otres posesiones creaes o restauraes pola mitra ovetense como Tui, Iria o Braga, la Diócesis d'Uviéu conservó'l territoriu hestóricu asturiense ente los ríos Eo y Navia, As Entrambasauguas, colos grandes arcedianatos de Grandas, Burón y Suarna. Tamién monasterios como'l de Santa María de Vilanova d'Ozcos poseíen en propiedá les sos tierres de Fonsagrada y San Tiso d'Abres.

La documentación medieval asturiana a partir del sieglu X vien axetivando los diversos territorios, valles o villes con alfoz como territorio asturiense , territorio Asturias o como territorio Asturiensium y nel XIII aparecen como terra asturiense, terra de Asturias o Asturias de Oveto. Les definiciones de les llendes oriental y occidental de los territorios, veigas o valles son abondo imprecisos mentantu que la llende sur de los mesmos preséntase claramente desllendada pola llinia dixebradora d'agues y llinies de cumes o cimbros.

Asina, pertenecen a les Asturies occidentales ente otros, la Ripa de Eube, territorio Ripa de Ove, (esto ye, la ría del Eo y el territoriu o valle oriental de la ría del Eo), el territorio Navie (el valle enteru del ríu Navia), el territorio Gandaras o Terra Sancti Salvatoris de Gandras, la Terra de Tinegio de Lectaregos usque in illa aqua de Navia. Nel oriente (y perdíos pola mitra d'Uviéu los territorios de Santillana), los documentos medievales mencionen a Cabrales, ensin concretar más los términos d'esta tierra. Notros documentos asturianos son frecuentes les menciones a otros territorios al sur de la Cordalera Asturiana como por exemplu Babia, L.laciana, Lluna, Oumaña, Alba, Gordón, Argüellos, Valdeparedes, Bierzu, zones d'importantes dominios asturianos tanto eclesiásticos como nobiliarios.L'ámbitu de l'alministración eclesiástica de la Diócesis d'Uviéu, el territoriu de la mitra ovetensis, incluyía los grandes arciprestazgos de Burón, Navia de Suarna, Grandas de Salime (valle medio del Navia-Eo, tierras de Fonsagrada y Negueira) que poseyó hasta l'añu 1945 perdiendo dalgunos territorios dende esta fecha. Foron precisamente los ámbitos eclesiásticos los qu'inspiraron en gran parte les futures divisiones alministratives civiles, como foi el casu de Les Asturies de Santillana qu'eclesiásticamente dexaron de pertenecer a Uviéu pa depender de la mitra burgalesa, pero que en creándose l'obispáu de Santander volvió ésti a depender del Arzobispáu d'Uviéu, xunto colos de Lleón y Astorga. Hai que remembrar que nel Conceyu cellebráu n'Uviéu en 1115, baxo la presidencia del obispu Pelayu, consideráu como una de les primeres xuntes xenerales d'Asturies, asistieron ente otros representantes de los territorios asturianos de Gordón, Argüello, Alba, L.laciana, Babia, Lluna, Oumaña, Lleón, Astorga, Asturies de Santillana, Camargu, Trasmiera ya Iguña. Uviéu foi capital eclesiástica durante tol períodu del reinu asturlleonés hasta la conquista de Toledo que reclamó l'antigua capitalidá visigótica, orixen dende entós de sucesivos pleitos territoriales.




La cartografía de la costa asturiana tuvo siempre bastante bien afitada asina como les llendes costeres del territoriu de les Asturies d'Uviéu yá que la cartografía marítima por norma yera la más fácilmente estudiable y más conocida por elementales necesidaes del tráficu marinu y de la defensa naval mentantu que pel interior la imprecisión a la hora d’allugar les poblaciones ye mayor. La cartografía va meyorando col tiempu y faciéndose cada vez más científica, pero una vez más hai que recordar una constante hestórica repetida y afitada nos mapes: el límite ente Asturies y Galicia ye siempre el cursu enteru del ríu Eo y el límite asturianu con Castiella son los puertos que dixebren les agües al norte y la Meseta. Como quedó reseñao, nun podemos falar de determinismu ente les llendes alministratives y les llendes del ethnos pero sí de ciertu influxu, especialmente cuando les primeres se caltienen durante un llongu periodu de tiempu onde los ámbitos políticos o alministrativos asimilaos puen xugar un rol significativu na consolidación del propiu ethnos. Esto ye, un individu que nun perteneza al ethnos nel que ta inscritu pue llegar a pertenecer a él, non yá alministrativamente sinón col pasu del tiempu mediante procesos d'asimilación gradual.

Les víes de comunicación tamién xueguen modernamente un papel perimportante nos vínculos de pertenencia grupal, axuntando o separtando voluntaes. Asina suel dicise güei qu'el deséu de vinculación al ethnos asturianu (en sentíu subxetivu) de la población de Sayambre ye mayor qu'el de la población de Valdeón pol simple fechu de la esitencia o non d'una carretera d'accesu al valle baxu. Modernamente, la radio y la televisión cumplen funciones societaries de vinculación grupal tan fuertes o más que les víes de comunicación terrestre (carreteres o ferrocarriles).

Hestóricamente, la organización alministrativa civil del territoriu peninsular de la corona hespañola nun respondía a criterios de racionalidá organizativa. Los límites alministrativos sirvíen simplemente p'acutar les competencies de cada Audiencia o tribunal, y especialmente p’acutar el campu de trabayu de los recaldadores del ministeriu de Facienda. Pero paralelamente esistíen llendes hestóriques ente los vieyos reinos y ente ámbitos de cultura condicionaos pola orografía y poles vertientes de ríos y valles como llendes físiques y naturales.



La implantación n’Hespaña del nuevu estáu constitucionalista d’inspiración francesa va traer la necesidá de refacer tol mapa alministrativu del estáu, intentando terminar col modelu d’estáu propiu del antigu réxime absolutista. Asina, la Constitución hespañola de 1812 suprime les xurisdicciones señoriales y eclesiástiques que distorsionaben la racionalidá igualitaria de los mapes al atopase escesivamente descompensaos n’estensión y nalgunos casos relativamente dispersos.

El trunfu del estáu lliberal centralista hespañol trai la necesidá d'iguar uniformemente l'alministración del territoriu a imitación del modelu republicanu francés: dividir el territoriu en 50 unidaes territoriales equivalentes (nomaes nun principiu governaciones o provincies) en sentíu departamental ya igualitarista, esto ye, toles provincies habríen tener el mesmu rangu y les mesmes atribuciones ya instituciones subordinaes al poder central y a ser posible, tamién una similar estensión y pesu económicu.



Dende la idea de crear les provincies marítimes a principios del XIX, esgayando asina territorios de costa respecto a la dependencia del interior y potenciar asina les poblaciones portuaries costeres que xeneraben importantes ingresos d’aduana marítima, hasta la definitiva creación del mapa alministrativu del estáu, hai un constante procesu de reformes y contrareformes que se van concretar en 1834 nel nuevu mapa provincial. Les nueves provincies, creaes por real decretu en 1833 , llevaríen el nome de la so ciudá capital onde l'estáu axuntaría de manera centralizada les sos oficines o delegaciones ministeriales y otros servicios públicos: un tribunal, gobernador civil, sudelegáu de Fomentu y Diputación provincial. Sin embargo, la división alministrativa del nuevu estáu lliberal hespañol foi el resultáu d’un llergu y dilatáu procesu d’ensayos y d’esperimentos de reordenación territorial que duró unos 24 años, debío tamién a la constante inestabilidá institucional y al imprevisible vaivén políticu motiváu poles lluches ente partidarios y detractores d’un o d’otru modelu d’estáu pa Hespaña.





- En 1778 , nel antigu réxime, surde una agrupación nos nueve valles asturianos del Deva al Miera como “provincia d’Asturies de Santillana” pa reivindicar intereses comunes.

- En 1799 créase la subdelegación de rentes del Ministeriu de Facienda nes nomaes “provincies marítimes” d’Alicante, Asturies d’Uviéu, Cádiz, Cartaxena, Málaga y Santander.

- En 1805 suprímese la provincia marítima de Santander pola oposición de Laredo y Burgos.

- En 1810 el goviernu usurpador y títere de Xosé Bonaparte decreta una nomada “división prefectural” diseñada pol matemáticu José de Lanz. Les nueves “prefectures” facíen tabla rasa o dameru a la manera napoleónica francesa suprimiendo les divisiones hestóriques del antigu réxime por otros departamentos o “prefectures” que llevaríen nomes d’accidentes xeográficos, ríos o cabos y suprimiendo los nomes hestóricos de los territorios. Asturies d’Uviéu camúdase asina en “Prefectura de Cabo de Peñas”(sic) y llega hasta Navia, onde entama la “Prefectura de Alto Miño” (sic) que por tener menos costa toma asina parte de la d’Asturies pa compensar. Astorga ponse como capital de “Prefectura de Esla”, ciudá un tanto alloñada d’esti ríu. Inténtase asina borrar del mapa por decretu a los nomes hestóricos d’Asturies, de Galicia y del teritoriu de Lleón.

- En 1811 la subdelegación asturiana de Facienda adquier el rangu d’intendencia esgayándose oficialmente de la de Lleón.

- En 1812, la nueva Constitución establez que se fairá una división más conveniente del territoriu por una llei cuando les circunstancies lo permitan. Define a Asturies y a Galicia como provincies constitucionales con derechu asina a representación parlamentaria propia. Burgos algama tol territoriu d’Asturies de Santillana yá que l’esgayamientu santanderín nun va llegar hasta la segunda etapa constitucional.

- En 1813 encárgase al marinu Felip Bauzá el diseñu provincial. Propón dos tipos de provincies o governaciones, superiores y subalternes, de manera xerárquica. (Les subalternes tendríen sólo xefe políticu y les superiores Diputación y representación parlamentaria). Astorga ye provincia subalterna y Lleón amplíase hacia l’este como provincia superior. Reinosa y Alto Campoo pertenecen a Burgos. Esti proyectu nun llegó a discutise nes Cortes debío a la involución absolutista de Fernando VII.

- En 1821 vuelve discutise un nuevu proyectu de Felip Bauzá y José Larramendi basáu nel anterior.

Una comisión parlamentaria vuelve revisar el proyectu. Ésti tampoco respeta los límites hestóricos d’Asturies, a pesar qu’incluye na provincia d’Asturias los territorios hasta la mesma oriella o ribera del ríu Deva onde según diz el proyectu “parez que la naturaleza terminó el principado” (sic), lo cierto ye qu’estos conceyos del Deva solicitaron con reiteración non pertenecer a la provincia de Santander y sí a la provincia asturiana. Pel otru llau, el proyectu Bauzá-Larramendi segrega los territorios del interior al Este del Eo y valle altu del Navia (Fonsagrada, Suarna) pa la provincia de Lugo inventando asina una nueva frontera non hestórica y dando asina contentu al espansionismu sobre Asturies de dalgunos diputaos gallegos qu’aspiraben a esgaya-y al Principáu más tierres asturianes. Otra de les noveades del plan Bauzá-Larramendi ye la creación de la provincia d’El Bierzu a la que s’amesta Valdeorras. L’esgayamientu de les tierres de Burón y del Altu Navia de la so hestórica pertenencia asturiana motivó una notable confrontación ente diputaos gallegos y asturianos. La idea subyacente de les divisiones reflexa un intentu de facer un equilibriu ente les provincies evitando no posible tanto les provincies demasiao grandes como les escesívamente reducíes tanto n’estensión como en población con una idea presente de la provincia como pieza electoral a la hora de l’asignación igualitaria de diputaos pa cada una d’elles, ehí el procuru en facer divisiones asemeyaes n’estensión per un llau y les compensaciones o estiramientos d’unes provincies frente al territoriu d’otres pa llograr esi equilibriu. Recordemos qu’el territoriu lucense yá yera daquella unu de los menos poblaos especialmente frente a los sos territorios vecinos como Asturies, que cuntaben con una muncho mayor población. L’influyente Conde de Torenu presentó una proposición favorable al caltenimientu de la raya divisoria hestórica nel cursu enteru del ríu Eo y diez diputaos gallegos retrucaron la so propuesta, el Conde alegó que los habitantes d’esta zona habríen atravesar montañes intransitables pa desplazase a Lugo y que la segregación d’estes tierres yera contraria al sentir popular. Juan Osorio, diputáu gallegu propuso una solución salomónica, transaccional y de repartu del ríu: respetaríase la llinia divisoria tradicional del ríu Eo sólo hasta’l conceyu d’Abres, pasando’l restu del cursu del ríu, con too Burón y La Pobra de Navia de Suarna pa la provincia de Lugo, alegando “una mayor relación comercial d’estos pueblos cola ciudá de Lugo que cola d’Uviéu”(sic). El xixonés Juan Fernández San Miguel rechazó esti repartu intermediu afirmando que la frontera sólo podía ser el ríu yá que nestes Entrambasagües asturianes nun había más división natural qu’el ríu, siendo por ello ineficaz dixebrar los valles en sentíu trasversal y calificando como artificial esta propuesta de división provincial intermedia. Esta división transaccional foi l’aprobada poles Cortes en xineru de 1822 : Fonsagrada, Negueira y Suarna pasen asina pa la provincia de Lugo. Lo que nun pudo salvar Asturies siquiera foi el so propiu nome hestóricu, a pesar de les quexes de los diputaos asturianos y del propiu Juan Fernández San Miguel la nueva unidá alministrativa llevaría el nome de “Provincia de Oviedo”(sic).

- En 1823 Fernando VII deroga tola obra constitucional tornando l’estáu al antigu réxime absolutista. La función de les provincies como demarcaciones electorales queda asina suprimía y tol ordenamientu derogáu. Pero yá en 1825 volvió trabyase nuna reforma más ambiciosa qu’esta vegada dividía l’estáu en cuatro niveles alministrativos: audiencies, provincies, partíos xudiciales y municipios. Na nueva comisión figuraben Larramendi y Fernández Navarrete. El proyectu suprimía la provincia d’El Bierzu debío a los reducío de la so estensión. Nesti casu la división provincial ye un instrumentu al serviciu básicamente de l’alministración de xusticia y de la competencia de los tribunales. Esíxense polo tanto unos requisitos mínimos de población pa los partíos xudiciales, repartiendo asina igualitariamente el trabayu de los xueces y funcionarios. Los trabayos de delimitar tolos nuevos partíos xudiciales y municipios llevaron munchu tiempu y nun se terminaron hasta depués de la muerte del rei. N’algamando el lleonés Javier de Burgos el Ministeriu de Fomento yá los trabayos taben terminaos asina que la nueva planta provincial aprobóse por decretu el 30 de Payares de 1834. Les modificaciones esta vegada foron la incorporación de Peñamellera y Ribadedeva a la provincia ovetense tal y como se venía baraxando años atrás poles demandes nesti sentíu pero non los teritorios de Tresviso o Llébana que pasaron a ser de Santander.L’Audiencia d’Uviéu tamién reivindicó estes incorporaciones. Tampoco esta vegada respetóse el nome d’Asturies.: el goviernu de Madrid nun atendió a les constantes encamientos y reclamaciones formales feches pola Xunta Xeneral del Principáu nel sentíu de que se caltuviera el nome d’Asturies no que se considera foi l’últimu actu heróicu y desesperáu como cabeiru actu de voluntá d’esta centanaria institución asturiana d’autogobiernu soberanu que veía el fin de los sos díes, suprimida y suplantada mediante decretu por un ente alminstrativu que se dio como nome “Excelentísima Diputación Provincial de Oviedo” que escomenzó la so esistencia un 8 d’Avientu de 1835.

- En 1842 vuelve formase un nuevu plan de división territorial ultimáu por Fermín Caballero nel que vuelve aparecer la provincia d’El Bierzu incluyendo a Valdeorras. Otres novedaes son la quinta provincia gallega de Santiago, esgayada de Coruña y parte de la de Pontevedra y la retrocesión de Reinosa-Alto Campoo pa la provincia de Pisuerga (Palencia). Propónse amestar a la provincia de Montaña los conceyos asturianos del Deva anteriormente agregaos a Uviéu que se prevee cambie el nome pol de provincia de Nalón. El norte de Burgos améstase a la provincia de Montaña. El Bierzu y lleón formaríen parte de l’Audiencia y distritu militar d’Asturies (esta vez sí yera esta la denominación). Suprimíense los obispaos de Mondoñéu y Astorga y fairíase por coincidir no posible los obispaos coles provincies, sometiendo asina el poder eclesial al orde civil. El términu “Cantabria” aplícase al territoriu de l’Audiencia de Pamplona formada por Navarra, Vascongaes y Logroño (recordemos que nun esistía entós el términu “Euscadi”) y yá hai constancia anterior de qu’el términu Cantabria designaba a Vascongaes y a las montañas de Burgos. :’accesu al poder de los moderaos impidió l’aplicación d’esti plan.



Asina foi cómo la división provincial de 1834 fecha en tiempos del ministru Javier de Burgos foi la que pervivió hasta los tiempos actuales. Nel casu d’Asturies, les élites polítiques y sociales del momentu llucharon tanto por reconocer la personalidá y el nome d’Asturies como por caltener por tolos medios posibles al so alcance el terrotriu hestóricu completu del País Asturianu dende’l ríu Eo al valle del Deva contra tou tipu de proyectos antihestóricos y artificiales que trataben de recortar el so ámbitu lexítimu y hestóricu. La organización provincial del Estáu, anguañu superada pola organización autonómica del mesmu, foi resultáu tanto de les tendencies racionalistes y uniformadores del Estáu lliberal centralista como de la voluntá d’afirmación hestórica de les sociedaes perifériques.



Asina surde el 8 d'Avientu de 1835 la nueva Diputación Provincial d’Oviedo non ensin gran polémica y protestes de la centenaria Xunta Xeneral d'Asturies qu'exercía les funciones representatives y de goviernu autónomu nel país, quedando suprimida ésta dende esi momentu y arrincáu el so hestóricu llabor. El 8 d'Avientu de 1835, Asturies pierde los sos hestóricos Fueros y Derechos.

L'Estatutu d'Autonomía p'Asturies de 1981 establecerá que les llendes de la nueva Comunidá Autónoma se correspuenderán coles mesmes del territoriu alministrativu de l'anterior provincia d'Oviedo dibuxada en 1833. La Xunta Xeneral aprueba una llei que permite el cambiu del nome de la provincia qu’oficialmente se nomará d’Asturies.



En términos del ethnos asturianu que tratamos ¿correspuéndese l’ambitu d’ésti col ámbitu del territoriu alministrativu de l'anterior provincia ovetense?. De xuro non, polo que anguaño ye más que necesario establecer cuálos son los ámbitos esactos del ethnos asturianu actual. Y pa conocer esti espaciu nun habrá más qu'especificar el marcu de lo que conocemos güei como la nación, nacionalidá o país asturianu.










Ámbitu actual del ethnos asturianu



1.- Pal Norte: la mar.



La mar más que como llende como espaciu abiertu al Norte, como ablugu defensivu y como elementu configurador del ethnos de primer magnitú. La mar al Norte determina un clima especial y un carácter, ya igual que notros países con mar al Norte como Holanda, Alemaña o Polonia, marca con un xeitu específicu a la tierra y a la población. D'esta mar provién toa una cultura marinera propia y una forma de vida. D'esta mar de bravén lleguen les boriaes, el nordés, la borrina y el mal tiempu en xeneral. D'esta mar salíen los emigrantes de la tierra hasta hai décades. Una mar al Norte que se ve más con respetu que con medrana, la mar que va del cabu Burela a Bretaña: esta mar ye'l Golfu de Gascuña, la Bahía de Bizcaya, el Mar Cantábricu, la Mar Astúrica.





2- Pal Sur: la Cordalera Asturiana y la vertiente o divisoria d'agües.



Los IUGA ASTURUM na dómina romana o Los Montes Asturianos na Edá Media nun dixebraron al ethnos na so configuración y desenrollu pero güei formen la médula espinal que desllenda hestórica y climáticamente a Les Asturies pel sur, dixebrando los ríos que van al mar pal norte de los que van pal Dueru y axuntándo les tierres cola parte qu'hestóricamente ye de Lleón, esto ye, lleonesa, y cola parte que ye palentina, esto ye, castiellana. Dende la Serra d'Ancares, Valouta y el cume Miravalles hasta'l Picu Tres Mares na Sierra de Peña Labra hai una llinia trazada, una llinia que pasa per Penaubiña, Peña'l Vientu, Pontón, Gildar, Pandetrabe, San Glorio, Peñaprieta y Picu Pumar, una llinia que xunta los cumes y puertos más altos y que conformen una raya celestial, intrazable, inalgamable ya incincable: asina ye la frontera de Les Asturies.





3- Pal Oeste: el cursu enteru del ríu Eo.



Son parte hestórica d'Asturies la Ripa de Eube, el territorio de la Ripa de Ove, el territorio Navie (el valle enteru del Navia), el territorio Gandras (cursu mediu ente l'Eo y Navia),Oscos, Riparia, y Semellón, según documentos medievales posteriores al reinu d'Asturies. Pero la vinculación d'estos territorios o valles a Asturies va venir más bien por mor de les posesiones eclesiástiques y confirmáu por certificaciones reales, en concretu d'Alfonsu VII qu'oficialmente otorgó en propiedá a la mitra ovetense y pa la so alministración esti territoriu en ente'l cursu de los ríos Eo y Navia. Hasta l'añu 1954 pertenecen a la Diócesis arzobispal d'Uviéu los grandes arciprestazgos de Navia de Suarna, Burón y Grandas de Salime (incluyendo las Terras de Fonsagrada y Negueira) y los cartógrafos antiguos asina lo amuesen como parte civil integrante de les Asturies occidentales. Pero la inclusión nel marcu del ethnos requier dellos datos más que los de les llendes polítiques. Estos datos vienen daos pola presencia d'arquitectura popular asturiana, pola hestoria, pol elementu llingüísticu común al restu del Navia-Eo, esto ye, la llingua galaicoasturiana, y tamién pol elementu xeográficu y de vertiente. El territoriu del valle del Altu Navia configura una xuntura xeográfica y cultural a la que pertenecen los valles de Valouta, Ibias, Lamas, Suarna y por supuesto Negueira de Muñiz, conceyu esti esgayáu de Fonsagrada qu'ocupa les dos riberes del Navia nel so cursu mediu y la del ríu Ibias nel so cursu baxu. Dientro los elementos conformadores del ethnos amás del galaicoasturianu destaca unu sobremanera: a partir d'estos territorios y hacia l'este preséntasenos l'ambitu esclusivu de les construcciones nomaes de teitu de paya, presentes sólo dende l'Altu Navia y Ancares hasta Cabrales como un elementu más del ethnos característicu y peculiar. Les agües al Cantábricu y l'elementu montañosu al este del ríu Eo configuren un paisaxe nel que s'asocia la idea de Les Asturies cola montaña y colos pequeños valles del Navia y del este del Eo, mentantu que la idea física de Galicia asóciase a la tierra llano, a les tierres y agues del Miño. Siendo l'Eo un espaciu de llende idiomática, xeográfica y hestórica nuna zona especialmente permeable y periférica del ethnos como lo ye ésta nun hai más referencies delimitadores que les que nos permitan afirmar la plena presencia hestórica del ethnos d'Asturies nes tierres de Ripa de Ove, Grandas, Oscos, Fonsagrada, Negueira, Burón, Navia de Suarna y Valouta.

Buscar llendes xeográfiques más precises como la serra de Pedruñales, la do Pozo, el Monte Restelo o la del Portelo onde curiosamente s'atopa un significativu topónimu del tipu "Pedrafita", sólo valdría pa desllindar los ámbitos xeográficos de les tierres de Cervantes y del Miño de les del Altu valle del Navia, Suarna y Fonsagrada, dándo-y al elementu xeográficu un valor de marcu o más simbólicu si cabe nesta función de concretar los ámbitos referenciales.







4- Pal Este: los montes que delimiten el valle del ríu Miera.



Anque los elementos del ethnos asturianu esperimentaron una regresión pel este, non sólo de tipu llingüísticu sinón d'otros munchos elementos sociales, de colonización, diglosia llinguística y minoración cultural, la presencia del mesmu ye apreciable especialmente nos valles del Deva y Nansa. Anque como ocurre cola llende occidental del ethnos esti ámbitu oriental ye tamién permeable y abiertu a influencies etnográfiques y a desenrollos paralelos. Hestóricamente Asturies son dos entidaes eclesiástiques: una, la Asturia d'Uviéu y la otra, la Asturia de Santiyana, que xuntes formen el plural romance de Les Asturies. Si la presencia d'horros ye güei discutible en Ribadedeba o Peñamellera Baja pol despoblamientu y la industrialización (conceyos que pasaron por decretu de Les Asturies de Santillana a la nueva provincia d'Oviedo) notres zones como valles de Peñarrubia o La Llébana la bayura constructiva y etnográfica caltiénse y ye un elementu más del ethnos común, lo mesmo que la gran diversidá de monteres, (ente elles la picona), los topónimos romances, la gastronomía, la llingua, el folclore, la mitoloxía y otros munchos elementos más, hestóricos y actuales, d'esti ethnos propiu de Les Asturies que siguen presentes na conciencia colectiva. La llende fatídica del valle del Miera, últimu valle oriental onde se manifiesta claramente l'elementu que tratamos, sigue una llinia de cumales y cordales que casualmente coincide colos límites conceyiles dende les marismes del Val de San Vicente y que van marcando el Picu Gándara, el Matamigüela, el Guariza, el Caorra y que termina, cómo non, nel Picu Tres Mares, que mira nas alturas dende lloñe a les fontes del Ebru, y a les más averaes del Pisuerga y Nansa.







Caberes consideraciones sobre los ámbitos del ethnos.





Los desllindes espaciales del ethnos o nación humana son sólo un instrumentu identificativu más qu'estrema de forma arbitraria o artificial a tol conxuntu simbólicu d'elementos qu'integren el ethnos, intentando da-yos asina una xuntura que se simboliza nel espaciu físicu delimitáu.




L'acutamientu teritorial del ethnos nun ye polo tanto un esfuerzu vanu, sirve pa facilitar la identificación del mesmu tanto interna como esternamente frente a otros ámbitos y esclaria la pertenencia de los individuos al territoriu colectivu y mui significativamente nel ámbitu más periféricu del ethnos. Esti territoriu sobrepuestu amuésasenos como un elementu visual y definitoriu más a los otros munchos rasgos diferenciadores que conformen el conxuntu de los caracteres nacionales.

El territoriu del ethnos sirve tamién como marcu d'actuación dientro d'él y de manera práctica como un cinchu de seguranza de la propia entidá colectiva y hestórica qu'axunta. Nun se pue escaecer como exemplu qu'el marcu o silueta recortada del territoriu del ethnos munches veces fai les funciones de símbolu identitariu y de seña identificadora del ethnos al que representa.




Modernamente usóse y abusóse del conceptu d'ethnos o nación instrumentalizando ésti a favor del conceptu d'Estáu. El nacimientu de los estaos lliberales modernos dende principios del XIX conllevó l'adopción d'un modelu únicu o uniformador pal ethnos en sentíu esclusivista que sirviría de soporte material y de lexitimación pal estáu. Los estaos delimitaron asina unes coordenaes prefixaes como conformadores d'un ethnos esclusivu (un ethnos estatalizante), politizando destamiente'l términu y estremando ente los conceptos de "nacional" y "estranxeru", lo que sirvía más que al ethnos a los propios intereses de los estaos. La nación identificase entós col estáu, en sentíu lliberal y centralizador, asociando esta pallabra de manera interesada coles idees burgueses de llibertá ya igualdá.

El Romanticismu alemán va idealizar el conceptu de nación (VOLK), afitáu por Hegel y Marx, y ésta camúdase nun fin en si mesma, con unes coordenaes más síquiques que físiques, identificándola con una entidá abstracta, mística y polo tanto non entendible en términos de racionalismu o empirismu. Sin embargo dambos términos vuelven separtase en comprobándose la esistencia de naciones ensin estáu, d'estaos ensin nación y d'estaos plurinacionales. El conceptu d'estáu evoluciona y l'antigua equiparación lliberal d'estáu-nación pierde sentíu y fuerza.

Actualmente, el conceptu de nación-estáu vien manifestando una continuada perda de valor. En primer llugar polos procesos d'integración internacional o supranacional y pola mayor xuntura económica y política, onde'l conceptu de "estranxeru" o "non-nacional" va perdiendo sentíu y efectividá. En pareyo hai una afirmación de les naciones ensin estáu pero non en sentíu estatalista sinón en sentíu asociativu con otres naciones afines. Esti ye'l casu por exemplu de les naciones indíxenes d'América, del paneslavismu, del panarabismu o de la nomada Europa de los Pueblos o de les naciones del Arcu Atlánticu. Estes corrientes vienen a frayar colos típicos esquemes tanto del estatismu que ñega les naciones como del nacionalismu clásicu que quier algamar un estáu propiu.

Nesti sentíu, el conceptu de nación avérase cada vez más al conceptu de "partria" y allóñase siacasu del clásicu conceptu d'estáu por atopase ésti en constantes procesos difusos d'evolución y cambiu.

Cuando nos referimos al ethnos asturianu como patria, aludimos non yá a una idea obxetiva o material sinón más bien síquica, esto ye, sentimental, afectiva o anímica del individu. Destamiente la patria avérase más bien al conceptu de nación en sentíu idealizáu y non yá al conceptu d'estáu. Dicho d'otra manera, la nación entiéndese cada vez más quizabes en sentíu afectivu como patria y non yá como entidá política independiente, o como estáu soberanu.



Nel casu d'Asturies, esta realidá obxetiva anguañu nun podemos dicir que constituya una nación ensin estáu yá qu'en realidá preséntasenos como una nación con "dalgo" d'estáu, anque de manera más o menos desdibuxada. El problema d'Asturies nun paez ser l'algamar mayores formes d'estáu (factor principal de tou nacionalismu) sinón que impedíes les víes estatistes lo que se busca ye más bien asegurar les sos bases como nación. Una d'estes bases o elementos, como quedó desplicao, ye'l reaxuntamientu físicu dientro del so ethnos, l'afitamientu del so espaciu o ámbitu territorial que conforma l'ámbitu obxetivu y hestóricu del país asturianu.



El fechu de que l'ámbitu espacial del ethnos asturianu nun coincida coles llendes alministratives o provinciales actuales nun significa que se tengan qu'asimilar éstes como l'únicu marcu posible de referencia pal ethnos.

Nesta llinia, hai que reconocer que cualisquier estudiu o visión rigurosa y seria que se vaya facer en xeneral sobre dalgún campu del ethnos asturianu como por exemplu la hestoria, xeografía, economía, fauna, arte, arquitectura, folclore, gastronomía,... o cultura "asturiana" o "d'Asturies", nun podrá nunca restrinxise nin referise sólo al espaciu físicu marcáu poles llendes alministratives de 1833 sinón que habrá a abarcar en xustos términos l'ámbitu enteru del ethnos asturianu, esto ye, l'espaciu y el marcu real de la nación asturiana.



Destamiente confírmase que l'elementu territorial o espacial del ethnos, amás de ser un elementu configurador ye básicamente un instrumentu prácticu de conocimientu del ethnos, intentando abarcálu na so xusta estensión y polo tanto amuésandolu con mayor precisión y fondura, faciendo asina por comprender y analizar toes y caúna de les manifestaciones y elementos integrantes del ethnos, de manera completa, ensin escluír nengunu y pa llograr tamién una visión esacta y axeitada de la so más xenuína esencia y configuración.

[astúricu]

[astúricu]

[ARECES]

Vaya sarta de mentiras que habeis escrito aquí. Hala guajín aquí tienes un baño de realidad:


Galicia crece por el mapa de Asturias

REPORTAJE
Galicia crece por el mapa de Asturias
Cartografías gallegas se 'anexionan' 18 concejos.

13/11/2006 S. D. MACHARGO


La idea del Bloque Gallego de dejar la puerta abierta a la anexión de territorios de otras regiones en la reforma del estatuto de autonomía no fue un comentario gratuito, una iluminación momentánea. Tanto los grupos políticos independentistas como algunos sectores culturales defienden la existencia de un reino de Galicia que contraviene la historia oficial de España y, por tanto, la de Asturias. Esas ansias revisionistas se han plasmado ahora en un mapa destinado a los círculos escolares, que luce en muchos centros de la comunidad vecina y se anexiona sin rubor 18 concejos del Principado, en los que dice que el único idioma es el gallego. Del río Navia hacia el oeste, no hay territorios que reclamar.

La noticia ha corrido como un reguero de pólvora en las últimas semanas, después de que un periódico zamorano diera la voz de alarma. Por qué? Porque no solo se anexiona territorios asturianos, también se queda con la comarca de Sanabria --lago incluido-- y con buena parte del Bierzo leonés, una noticia que el Diario de León recibió con sorna, tras explicar que se trata del territorio donde mejor se conservan las tradiciones leonesas.

Pero, de regreso al Principado, el Navia marca la frontera. La organización Nos-Unidade Popular asume 18 concejos a los que rebautiza directamente. Se trata de todo el suroccidente dividido en dos comarcas. La primera recorre desde Grandas a San Tirso, Castropol y Navia y se denomina Terra Návia-Eu; la segunda es la formada por el eje Ibias-Degaña, a la que rebautiza como Vale do Ibias.

Los efectos positivos de esta expansión es el incremento considerable de su superficie y población. Gracias a los 6.257 kilómetros cuadrados más, alcanza los 35.691 y rebasa los 2,8 millones de habitantes empadronados.

La organización que la promueve está al corriente de la polémica que su iniciativa, sobre todo por el reparto en los centros escolares, ha causado en el resto de regiones. En su web, ha incluido aclaraciones para aquellos lectores que hayan caído "en la campaña mediática del españolismo" y explica que ha subido la demanda desde los colegios.

[ARECES]

EL DOCUMENTO QUE JUSTIFICA LA AMPLIACION DE GALICIA
Los autores del mapa ven una Asturias "antigallega y españolista"
El grupo cree que la escisión del Eo-Navia surge de la lucha de 2 diócesis eclesiásticas.

14/11/2006 SUSANA D. MACHARGO


El mapa que anexiona 18 concejos asturianos al territorio de Galicia no ha surgido por generación espontánea. Esta cartografía plasma un informe elaborado por el grupo Nos-Unidades Popular --en las últimas elecciones autonómicas sacó algo más de 5.000 votos-- que reúne la opinión de expertos y de historiadores que consideran que su nación ha permanecido maltratada y desmembrada durante siglos. Los argumentos que utiliza para anexionar territorios de Asturias, León y Zamora son culturales, sociales, económicos e históricos. Al caso del Principado le dedica un apartado especial porque piensa que es una situación muy clara. A su juicio, el rechazo con el que la región acoge todas las propuestas expansionistas llegadas del margen izquierdo de la ría del Eo se debe a "la intransigencia y la irracionalidad de ciertos sectores furibundamente antigallegos del nacionalismo asturiano, hábilmente potenciados por el españolismo".

Nos-Unidades Popular acusa a los colectivos asturianistas que rechazan sus propuestas, y otras similares lanzadas por partidos como el Bloque, de generar una situación de "tensión" e incluso "conatos de violencia" con los que pretenden "conducir silenciar y conducir al desánimo de los sectores gallegistas". Dentro de su argumentación incluyen escenas concretas, como por ejemplo el hecho de que "llegaran a impedir la presentación de libros en gallego de autores del Eo-Navia".

El documento, denominado A Galizia irredenta , también profundiza, a su manera, en el problema lingüístico asturiano. Recuerda que el estatuto de autonomía del año 1982 "no prestó especial atención" a este capítulo. Repasa partido a partido la postura con el asturiano y el gallego. De las "secciones asturianas de los partidos españolistas" hace un repaso y de Izquierda Unida matiza que se mantiene en "la indefinición" sobre la posibilidad de reconocer el gallego en Asturias.


HISTORIA Y ARGUMENTOS La explicación que ofrece sobre su mapa es muy sencilla. Indica que han incluido aquellos territorios que "conservan trazos definitorios de la identidad gallega, aunque estén fuera del actual suelo de la comunidad autónoma". Esta unidad responde a elementos "lingüísticos, históricos, geográficos, económicos y sociológicos", que viven "la realidad de esa Galicia aunque su capital no sea Compostela sino Oviedo o Valladolid". Así defienden a "los que no ven reconocida su identidad".

En el caso del Principado afecta a los 44.174 habitantes de esos 18 municipios que dividen en 4 comarcas: Ibias, Alto Navia, Los Oscos y el Bajo Navia. En total casi 2.000 kilómetros cuadrados de la comunidad.

Nos-Unidades Popular matiza que la reclamación territorial no es nueva y que vivió una época de esplendor en el siglo XIX. Por eso critica el silencio actual del nacionalismo mayoritario sobre un tema que caracterizó a sus antecesores hasta el inicio de la Guerra Civil.

Si la historia está de su parte, cómo explican que la zona del Eo-Navia sea asturiana? La raíz está en la Edad Media y en la Iglesia. En el caso de la división con el Principado responde a la rivalidad existente entre las diócesis de Castropol y Mondoñedo "que impidieron el reencuentro de esta comarca ".

[ARECES]

A ver si os enterais de cuales eran los verdaderos límites de Asturias.

http://www.guiastur.com/CONCEJOS/RIBADEDEVA.htm

Tanto Rivadedeva como Peñamellera Alta y Baja siempre formaron parte de Cantabria, pero la artificial división de 1833 hizo que por una cacicada formara a pasar parte de Asturias, a pesar de las protestas de los vecinos de estos municipios que deseaban seguir formando parte de Cantabria, como nos recuerda la historiadora Carmane González Echegaray.

Estos tres municipios, como parte integrante de Cantabria, estuvieron siempre representados en la Junta de los Valles de Cantabria que se reunía en la Casa de Juntas de Puente San Miguel. Razón por la cual aún se puede ver el escudo de la ciudad de Santander en los tres municipios históricamente cántabros.

Si nos ponemos todos los pueblos del Estado español a reivindicar los antiguos límites de cada uno igual acabamos a tortas todos. Asi que a ver si todos nos dejamos de bobadas imperialistas.

[Carlos]

Perdona, Areces, pero, dejando aparte la exactitud histórica o no de la "retafila" kilométrica de Astúricu, que dejo para él si te quiere o no contestar, no es cierta esta afirmación que haces:

Estos tres municipios, como parte integrante de Cantabria, estuvieron siempre representados en la Junta de los Valles de Cantabria que se reunía en la Casa de Juntas de Puente San Miguel. Razón por la cual aún se puede ver el escudo de la ciudad de Santander en los tres municipios históricamente cántabros.

La verdadera razón de que se vea una nave pasando entre lo que se dibuja como una especie de torres o castillos es ésta otra:

http://www.ayto-aviles.es/turismo/tur2.htm
[Art: Puse en el siguiente mensaje la información y la imagen de este enlace.]



Es decir, es por un privilegio concedido por el monarca castellano-leonés Fernando III que determinadas villas marineras obtuvieron el derecho a hacer figurar en sus escudos esa imagen, nada que ver con pertenencias o vinculaciones a la villa de Santander.

En el vínculo anterior puede verse la imagen del escudo medieval. En esta otra el actual de Avilés, más o menos modernizado:



[procedencia de: upload.wikimedia.org/wikipedia/commons/ thumb/c/c2/Aviles_coat_of_arms.svg/424px-Aviles_coat_of_arms.svg.png]

Lo cierto es que el marino llamado Rui Pérez está testimoniado históricamente, y de hecho el monarca citado también le concedió el mismo privilegio, por lo que figura en la heráldica de dicho linaje.

[Art]

Diversos cronistas coinciden en la procedencia del actual escudo de la ciudad.

Tuvo su origen en la conquista de Sevilla, hasta entonces en poder de los árabes.

Resulta que una flota, al mando del almirante santanderino Bonifaz, tomó la ciudad.

Y lo hizo por mar en 1248, a pesar de que el Guadalquivir estaba cerrado por una enorme cadena de orilla a orilla.

Pero un marinero avilesino, con la nao construida y tripulada por marineros de Sabugo, puso a lo largo de su proa (como se puede apreciar en esta ilustración de la época) una enorme sierra, que a fuerza de mareas, hizo ceder la cadena.

Fernando III el Santo, concedió a Avilés, y a otras ciudades cantábricas, el privilegio de que se recordase para siempre esa aventura: sus escudos reflejan una nave arremetiendo contra la cadena que unía las torres del Oro sevillanas.

El escudo figura en la parte central de la bandera de Avilés: dos franjas azules horizontales en los extremos separadas por una blanca.

----------------

[trans. Art]
A variety of historians agree about the origin of the present shield of the city.

It had its origin in the conquest of Seville, until then under the control of the Arabs.

The shield resulted when the fleet under the control of Admiral Bonifaz of Santander took the city.

And it did this by sea in 1248, even though the Guadalquivir River was closed by an enormous chain from one bank to the other.

But a sailor from Avilés, with vessel constructed and manned by sailors from Sabugo [Art: the fisherman's village in (then possibly outside of) Avilés], mounted across his prow (like it is possible to be appreciated in this illustration of the time) an enormous saw, that by force of tides, made the chain fall away.

Fernando III el Santo granted to Avilés, and to other cities on the Cantabrian Sea [the Bay of Biscay], the privilege that this adventure should to be remembered forever: their shields show a ship attacking the chain which united the Sevillian towers of Gold. The shield appears in the central part of the flag of Avilés: two horizontal blue stripes separated by a white band.

[Carlos]

Dos notas aclaratorias:

Rui Pérez es el nombre del marino de Sabugo.

Donde Art traduce

concedió a Avilés, y a otras ciudades cantábricas

como esto otro en inglés

granted to Avilés, and to other Cantabrian cities

hay que aclarar que en español se diferencia entre

'cántabro' = 'perteneciente o relativo al pueblo pre-romano de los Cántabros', por extensión 'perteneciente o relativo a la comunidad autónoma de Cantabria' (ambos sustantivos o adjetivos)

y 'cantábrico' = relativo al Mar Cantábrico (Biscay Bay) o a sus costas.

No sé si sería admisible utilizar en inglés también dos términos para evitar confusiones:

Cantabrian = 1 'member of the old preRoman people of the Cantabri, relative to this people'; 2 'member of the Spanish contemporary Autonomous Community named Cantabria, relative to this community'

Cantabric = 'relative to the Cantabrian Sea (Biscay Bay), near coast (Cantabrian Coast) or his mountainous chain (Cantabrian Mountains)

Hay que tener en cuenta que el nombre de Mar Cantábrico en español es abusivo, al generalizar el nombre de una parte del territorio para la totalidad. De hecho, se considera que el Mar Cantábrico va desde la Estaca de Bares (provincia de Coruña), hasta la localidad vasca de Irún, haciendo frontera con Francia. En las costas del mar que recibe ese nombre se incluyen por lo tanto territorios de Galicia, Asturias, Cantabria y País Vasco. En realidad no deja de ser el propio Océano Atlántico, y el nombre varió según las épocas.

Saludos.

[Art]

I don't think English has separate words for these two concepts; both are translated "Cantrabrian" in my dictionary. So to clarify the original meaning, I've changed it to read: "cities on the Cantribrian Sea." I hope that's the right interpretation.

[trans. Art] It's important to keep in mind that the name "Mar Cantábrico" [Cantabrian Sea] in Spanish is abusive....

Yep. Names are important. They reflect history's winners.

That's why this name used to irritate me, too. Then I decided that there were more important issues and I didn't want to spend my time fighting like Don Quixote with every map and encyclopedia. In English the correct term is "Bay of Biscay", which is no better.

------------------

No creo que inglés tenga palabras distintas para estos dos conceptos; ambas essán traducido con "Cantrabrian" según mi diccionario. Entonces, para clarificar el significado original, lo he cambiado para que dice: "cities on the Cantabrian Sea." Espero que es la interpretación correcta.

Hay que tener en cuenta que el nombre de Mar Cantábrico en español es abusivo...

Claro. Los nombres son importantes. Reflejan a los ganadores históricos. Por eso, este nombre me irritaba, también. Entonces decidía que hay temas más importantes y no deseo gastar mi tiempo luchando como Don Quijote con cada mapa y enciclopedia. En inglés el término correcto es el "Bay of Biscay" [Golfo de Biscaya], lo que es nada mejor.

[astúricu]

LA MAR DE LES ASTURIES, ési ye'l nome tradicional del Golfu de Gascuña, o Bahía de Bizcaya o mar cantábria, ésti últimu nome ye un tantu forzáu pues nel norte de Lugo enxamás hubo cántabros. La Cordillera asturiana tmaién debería nomase MONTES ASTURIANOS ya que los romanos nomáronla IUGA ASTURUM. Si estudiáramos meyor la historia ésta daríanos abondes llecciones.

[Art]

Sí, y otra lección es sobre porque ahora se llaman de otra manera. ¡Hay mucha historia entre los romanos y ahora!

---------------------------

Yep, and another lesson is about why they're now called other things. There's a lot of history from the Romans until now!

[astúricu]

[/img]

[Carlos]

Bueno, este mapa de 1707 no es el único donde se ven ambas Asturias, la de Oviedo y la de Santillana. Pero sí tiene el mérito de nombrar al Mar Cantábrico (al menos en esta porción) con un nombre bien distinto: MER DES ASTURIES, Mar de las Asturias, en francés.

Aquí os pongo la imagen de otro mapa un poco más tardío, de 1776:



Es un mapa realizado por el italiano Antonio Zatta (1757-1797), cartógrafo y editor de Venecia. Está titulado como:

LE REGNI DI GALIZIA, ASTURIES, LEON, CASTIGLIA VECCHIA, CON LA SIGNORIA DI BISCAGLIA, DI NUOVA PROJEZIONE

(The Kingdoms of Galicia, Asturies, Leon, Old Castile, with the Lordship of Biscay, with a new projection)

En éste como en tantos otros mapas no se menciona para nada ninguna Cantabria. Lo que es hoy el territorio de la actual comunidad autónoma aparece siempre partido por la mitad. La occidental figura siempre bajo el nombre de Asturias de Santillana, en diversos idiomas, dependiendo de la nacionalidad del cartógrafo (español, francés, italiano, alemán u holandés, por ejemplo).

La mitad oriental figura siempre como perteneciente a "Vizcaya", que no hay que entender como la actual provincia vasca, sino un territorio mayor. A veces se separa una especie de comarca o región dentro de esa "Vizcaya", a la que los mapas denominan como "Cuatro Valles".

El límite entre esas "Asturias" plurales y esa "Vizcaya" latu senso también puede cambiar según los autores y las fechas. Normalmente la ciudad de Santander (escrita con grafías como "Sant Ander", "Saint André" y otras) aparece incluída dentro de "Asturias" y no de "Vizcaya".

A este respecto, es interesante la anotación que figura sin enmarcar en el mapa que incluyo, escrita en italiano:

La maggior parte de´ Geografi attribuiscono alla Biscaglia la Citá di Sant'Ander, ed i borghi di S. Antonio, Laredo e Castro Udiales; ma giusta le memorie del P. Muriglio sopra la Spagna, ed il Dizionario Geografico Spagnuolo di Echard, ed altre autoritá d'oriondi di essi luoghi, si sono compressi nell'Asturies.

En inglés:

Most of geographers ascribe the city of Santander to Biscay, and (also) the villages of St. Anthony (Santoña), Laredo and Castro Urdiales; but just (or justly) (according to) the memories of Father Murillo (a priest) about Spain, and the Spanish Geographical Dictionary of Echard, and other authorities (reputed opinions) of native people from those places, (they) are included in Asturies.

Es decir, los propios habitantes de esa zona se consideraban a sí mismos "asturianos".

También aquí se puede ver la triple denominación del mar: MARE DI GALIZIA, MARE DI ASTURIES, y MARE DI BISCAGLIA. Como nota curiosa, obsérvese que el nombre de ambas "Asturias" está en asturiano, ya que la lengua italiana desconoce las -S finales para los plurales. Se diría en ese idioma "UNA ASTURIA, DUE ASTURIE". Además, Zatta ni siquiera parece saber que se trate de un nombre plural, puesto que escribe "NELL'ASTURIES", esto es, "NELLA + ASTURIES". En italiano, la contracción de la preposición IN = EN más el artículo plural LE = LAS da la contracción NELLE. Se diría así "NELLE ASTURIE" (plural) o "NELL'ASTURIA = NELLA + ASTURIA" (singular), pero no ese anómalo "NELLA + ASTURIES".

El mapa anterior se halla en dos copias impresas mediante grabado en plancha de cobre, que se conservan en el Archivo Histórico de Galicia y en la Biblioteca de Asturias. La imagen está escaneada del libro CARTOGRAFÍA HISTÓRICA DE ASTURIAS 1522-1903, editado por el Centro Nacional de Información Geográfica, Instituto Geográfico Nacional, Ministerio de Obras Públicas, Transportes y Medio Ambiente, Madrid 1995. ISBN 84-7819-064-3. Poco sospechoso de nacionalismo asturiano, me parece a mí.

Si alguien tiene interés en algún otro mapa histórico, no me cuesta nada escanearlo. Podeis pedírmelo por el correo o mensaje privado.

Saludos