¡Ya tamos en jebreru!

[Ramón Sordo Sotres]

¡YA TAMOS EN JEBRERU!

Hoi emprecipia jebreru, el mes onde nieva más: de la pallabra llatina FEBRUARIUM salió el nombre jebreru, que se sintía en muchos sitios d'Asturias, Cantabria y pamí qu'otros llugares d'España; en Cantabria llámanli tamién cebreru.

Los tres últimos díes de jebreru y los tres primeros de marzu lláman-yos en Llanes los de la vieya porque diz qu'un 25 o un 26 de jebreru una vieya que tenía una cuadrilla d'oveyas echó per esti mes diciéndo-y que ya no-y tenía mieu y entós Jebreru jecio que nevara seis díes siguíos: tres que-y quedaban y otros tres que-y pidió prestaos a Marzu; morrieren muchas oveyas de la vieya.

Ramón