Campaña "Selmana de les Lletres

[Bob]

Estimaos sociu, estimaes socies:

Queremos informavos sobre un proyectu que queremos facer a lo llargo d'esti mes d'abril con motivu del Día de les Lletres Asturianes. El proyectu en sí trátase d'un vídeu nel que caún de los/les participantes dirá una, o dos, pallabres n'asturianu en diferentes llocalizaciones de la ciudá de Xixón. La idea principal d'esti vídeu ye promover y normalizar el vocabulariu asturianu que mos acompaña nel día a día d'una forma visual y cercana a la xente.

Pa poder participar nesti proyectu ye necesario que vos inscribais nel formulariu, curtiu y concisu, axuntáu nesti mesmu correu. Ye importante que se llea bien cada apartáu pa nun cometer nengún erru na información que proporcioneis.

Nel momentu que tengamos les inscripciones suficientes pa grabar el vídeu, apurrirémosvos un corréu dando más detalles sobre la data, la hora y el llugar onde se van facer les tomes de cada participante.


Apúntate equí: FORMULARIU D'INSCRIPCIÓN
https://docs.google.com/forms/d/e/1FAIp ... w/viewform

Cualesquier dulda va ser bien recibida nel correu d'Iniciativa pol Asturianu.

Contamos cola vuesa participación.

Un saludu candial.


Iván Llera
Presidene d"Iniciativa pol Asturianu