Madrid - Día de les Lletres Asturianes, sábadu 23 d'ochobr

[Bob]

Estimáu sociu, estimada socia:



Iniciativa pol Asturianu va tar presente esta fin del selmana en Madrid pa cellebrar el Día de les Lletres Asturianes. Esta xornada de reivindicación, de defensa y de promoción del idioma ta entamada conxuntamente ente Iniciativa pol Asturianu y el Centru Asturianu de Madrid y va celebrase esti sábadu 23 d'ochobre de magar les 18:00 hores na sede del Centru Asturianu de Madrid (C/ Farmacia 2).


Día de les Lletres Asturianes en Madrid .png

El programa d'actividaes va entamar a les 18:00 hores cola presentación de la torna al asturianu de La Rexenta a cargu del propio traductor de la obra y cofundador d'Iniciativa pol Asturianu, Víctor Suárez.



Dempués, va abrise un espaciu d'alderique con una mesa redonda baxo'l títulu 'El futuru del asturianu en xuegu. ¿Por qué ye necesaria la oficialidá?' nel que van a intervenir Inaciu Galán, vocal de rellaciones institucionales ya internacionales d'Iniciativa pol Asturianu, y Pilar Riesco, secretaria del Centru Asturianu de Madrid.



Darréu, va tener llugar la presentación del concursu lliterariu del Centru Asturianu de Madrid. Esti concursu, que yá s'organizara n'otres ocasiones, recuperase anguaño gracies a la collaboración ente les dos entidaes.



La xornada va rematar con un recital poéticu con escritores n'asturianu, representantes del Centru Asturianu de Madrid y collaboradores d'Iniciativa pol Asturianu.



Si coincide que vas tar per Madird, prestaríanos cuntar cola to presencia y collaboración nesti actu.



Axuntámoste'l cartelu d'esti Día de les Lletres en Madrid pa difundir nes redes y pa que lu puedar mandar a persones interesaes.



Gracies pola to atención y collaboración.

Iniciativa pol Asturianu
Secretaría Técnica
iniciativapolasturianu.org
info@iniciativapolasturianu.org
(+34) 675 977 751