Dos calles de Llanes

[Ramón Sordo Sotres]

DOS CALLES DE LLANES

Esto que na villa de Llanes hai dos calles mui nombradas pero que no tienen escritu nellas los nombres que-yos damos tolos llaniscos, tienen otros.
La Calle Llagar va d'El Riberu (qu'e como llamamos los de Llanes a la ría y no Carrocedo ni Carrocéu) a los Cuatro Cantones. La Calle Llagar dizlo la xente de La Villa y vémoslo tamién nos papeles antigos; alcuérdome bien que José Muñoz García, un llaniscu mui conocíu, dixo bien claru "la Calle Llagar", disgustáu cuando un conferenciante defendía el llamatu la Calle Llegar, que no pertenez a la toponimia llanisca.
La Calle Nueva ta ente Las Barqueras, la Venta la Uña y San Antón; en Llanes tós dicimos la Calle Nueva y no la calle Gutiérrez de la Gándara, qu'e la so denominacion oficial; una vez unu de juera preguntóme pola Calle Nueva y cuando-y dixi lo que pasaba, no entendía por qué no se ponía nella el nombre que-y da la xente.

 Ramón, 22 de jebreru de 2022