El tío Gregorio, de Caín

[Ramón Sordo Sotres]

EL TÍO GREGORIO, DE CAÍN

  Ello que Gregorio Pérez Demaría era un pastor nacíu en 1853 del pueblín lleonés de Caín, onde morrió en 1913; el 5 d'agostu de 1904 subió el primeru al Picu Urriellu, con Pedro Pidal y Bernaldo de Quirós, y los dos son mui nombraos por esta jazaña.
   En Caín llamában-y el tío Gregorio y paez que tamién el Atrevido, pero no el Cainejo, un malnombre mui usáu hoi cuando se jabla d'elli.
   Esto tien que vinir de que n'Asturias llámase cainexos a los de Caín (en Valdeón la pallabra pa ello é caínes); entós el Cainejo será una traducción de Cainexu, pero al pasala del asturianu al castellanu gana un matiz despectivu que no tien o tien pocu nel orixinal. Dexemos ya d'usar el llamatu Cainejo y parllemos de Gregorio, Gregorio Pérez, Gregorio Pérez Demaría o el tío Gregorio.
   Gregorio joi tamién el primeru que subió a Torre Santa dempués d'una cuadriella francoespañola; o Peña Santa, que nos seis pueblos de Valdeón, el conceyu onde ta, lláman-y de los dos modos, tan y mientras qu'en Caín y Santa Marina, las otras dos aldeas del municipiu de Posada de Valdeón, é Peña Santa solu.
   Atrevido (atrevíu en Cabrales y Llanes), no quier dicir que se meta en sitios malos sin tener miedu, sino qu'esguila mui bien.

   Ramón