3r FESTIVAL DE CINE ASTURIANU

[astúricu]

3r FESTIVAL DE CINE ASTURIANU

BASES DEL 3r FESTIVAL DE CINE ASTURIANU


1- El tercer FESTIVAL DE CINE ASTURIANU faise en cellebración del 102 Aniversariu del Cine Asturianu y ye d’ámbitu internacional y podrán participar realizadores individual o colectivamente acordies coles siguientes bases.

2- El Concursu tien dos categoríes principales: Obres en llingua asturiana y obres asturianes en cualesquier otra llingua.

3- Al Concursu podrán presentase Llargumetraxes, Curtiumetraxes, Mediumetraxes, o Documentales en cualesquier formatu y duración, preferiblemente DVD, siempre que tean realizaos en llingua asturiana, tamién puen presentase obres feches por realizadores asturianos o rodaes básicamente n’Asturies o nos territorios del dominiu llingüísticu del asturianu en cualesquier llingua y en cualesquier añu de realización.

4- Cada autor o autores podrá presentar una o varies obres amestando una ficha técnico-artística na que puen apaecer los datos siguientes: títulu y duración de la obra, autor o autores, añu de producción, resume de la obra, teléfonu ya corréu-electrónicu de contactu, amás d’otros que los autores consideren d’interés pa la obra. Tamién podrá amestase un currículu cinematográficu del autor con llugar y fecha de nacencia y premios recibíos.

5- Los galardones fallarálos na Gala de Pieslle del 3r FESTIVAL DE CINE ASTURIANU nel mes d’abril del 2007 un xuráu espertu que dará los premios siguientes:

a) Premiu a la Meyor Película.

Premiu al Meyor Curtiumetraxe n’Asturianu

c) Premiu al Meyor Curtiumetraxe Asturianu notra Llingua

d) Premiu al Meyor Actor.

e) Premiu a la Meyor Actriz.

f) Premiu al Meyor Guión.

g) Premiu al Meyor Director.

h) Premiu al Meyor Documental, concedíu por xuráu popular.

i) El Festival concederá amás un Premiu d'Honor del Cine Asturianu.

6- Les obres seleccionaes presentaránse al públicu n’Asturies nel mes d’abril del 2007 dientro del 3r FESTIVAL DE CINE ASTURIANU. El palmarés del Festival tendrá asinamesmo un homenaxe posterior.

7- Los gastos d’unvíu van a cuenta de los respectivos participantes.

8- Les obres que se presenten a esti 3r FESTIVAL DE CINE ASTURIANU pueden ser de cualesuqier añu de realización y nun tar proyectaes yá n'anteriores secciones competitives d'esti Festival.

9- El plazu presentación d’obres termina el 15 de Marzu del 2007. Presentase al concursu supón aceptar dafecho estes bases y les resoluciones de la Organización.

10- Les obres han mandase al FESTIVAL DE CINE ASTURIANU c/Ciudad Real 9 - 1º - 14. 28045 Madrid –