La jabla de Llanes y otros bables

[Terechu]

Lingua Lengua
por Amable González Abín

Vivisti, Roque,
en un Conceyu
onde a los gatos
llamaban guetos
y en vez de palu
dicían pelu.
Cuando querían
manducar quesu,
pidían quisu,
y asina mesmu
pirru dicían
por decir perru.
Bien imaxino
yo los trebeyos
que pasarías
tú pa entendelos.
Nombrando a Pachu,
dirían Pechu;
por vela, vila;
por mayu, meyu;
por feu, fíu;
por sacu, secu;
pega por paga;
bibo por bebo,
y güen provichu,
por güen provechu.
Secu por sacu;
por pasu, pesu;
y de babayu
jarían bebeyu.
De mecha, micha;
de xatu, xetu;
de mesa, misa;
de sanu, senu.
Por dati un vasu
daríanti un vesu;
por tela, tila;
por barru, berru.
Y cambiarían
el dañu en deñu
a fecha en ficha,
en siriu a seriu,
a Pepa en Pipa
y a flacu en flecu.
Falta nenguna
jaz que viaxemos
pe’ los llugares
del extranxeru,
pa que curiosas
jablas topemos.
Qu’está bien cerca
esi Conceyu
con esi diañu
de parllamientu.

[gabitones]

Esti que presentes, Terechu, ye un exemplu de metafonía. Fenómeno q'enantes, fae sieglos, taba muncho más espardíu per Asturies, pero nel sieglu XX yá quedaba sólo en dalgunos llugares: L.lena, Ayer y un cachu Mieres y Riosa nel centru-Sur, Gozón, parte de Carreño y Corvera nel Cabu Peñes, y, anque paezca raro, en Cabrales. Nun sabía q'esto fora tamién cosa de la fala de Llanes.

Esti ía un exemplu de metafonía. Fenómenu qu'anantias, fae siglos, taba muitu más esparcíu per Asturias, pero nel siglu XX yá quedaba sólo en dalgunos l.lugares: L.lena, Ayer ya un cachu Mieres ya Riosa nu centru-Sur, Gozón, parte de Carreño ya Corvera nu Cabu Peñas, ya, enque paezca raru, en Cabrales. Nun sabía q'esto fora tamién cousa de la fala de Llanes.

This is an example of metaphony (?). A phenomenon that, centuries before, was much more spread in Asturias, but in the XX century it only remained in some places: L.lena, Ayer and part of Mieres and Riosa in the South-Center Area, Gozón, and Part of Carreño and Corvera in the Peñas Cape and, as a strange thing, in Cabrales. I didn't know that this happened in Llanes too.

[Bob]

Yes, in English it is metaphony, a kind of sound shift in which one vowel influences another