CURSU DE LLINGUA ASTURIANA EN MADRID
Posted: Fri Jan 13, 2006 11:30 pm
El 5u Cursu de Llingua Asturiana entama en Madrid
El prósimu mes de febreru del 2006 entama un añu más el 5u CURSU DE LLINGUA ASTURIANA en Madrid que dende hai cuatro años vien entamando la Tertulia Asturiana de Madrid con abondu ésitu de participación. Los cursos entamarán el prósimu xueves 9 de febreru de 7 a 9 de la tarde y desarrollaránse nel salón del Pub Moore's na cai Barceló 1 de Madrid, xunta'l metru Tribunal. El salón del Pub irlandés Moore's ye un centru tradicional de les tertulies de Madrid qu'esti añu 2006 acoyerá tolos xueves del 9 de febreru al 25 de mayu el 5u Cursu de Llingua Asturiana en Madrid. El cursu cuntará con 40 hores lectives presenciales amás d'otres per internet, ye dafechu gratuítu y los participantes recibirán material de baldre. El director de los cursos ye Xavi Vilareyo, profesor tituláu pola Academia de la Llingua Asturiana y entamador de los mesmos dende la so primer edición na que se llegaron a matricular 45 alumnos y alumnes d'estremaes procedencies y edaes. El cursu constará d'estayes gramaticales, lliteraries, sociollingüístiques y creatives, teniendo como oxetivu l'adquisición d'una bona competencia comunicativa oral y escrita n'asturianu. Esti añu el cursu afondará en custiones de creación lliteraria, llectura comentada, comentariu de testos lliterarios ya espresión oral en contestos coloquiales y formales. Los interesaos puen matriculase pela seña electrónica cursu@wanadoo.es , o bien acudiendo directamente a les clases de los xueves. Los participantes recibirán asinamesmo un diploma acreditativu.
El prósimu mes de febreru del 2006 entama un añu más el 5u CURSU DE LLINGUA ASTURIANA en Madrid que dende hai cuatro años vien entamando la Tertulia Asturiana de Madrid con abondu ésitu de participación. Los cursos entamarán el prósimu xueves 9 de febreru de 7 a 9 de la tarde y desarrollaránse nel salón del Pub Moore's na cai Barceló 1 de Madrid, xunta'l metru Tribunal. El salón del Pub irlandés Moore's ye un centru tradicional de les tertulies de Madrid qu'esti añu 2006 acoyerá tolos xueves del 9 de febreru al 25 de mayu el 5u Cursu de Llingua Asturiana en Madrid. El cursu cuntará con 40 hores lectives presenciales amás d'otres per internet, ye dafechu gratuítu y los participantes recibirán material de baldre. El director de los cursos ye Xavi Vilareyo, profesor tituláu pola Academia de la Llingua Asturiana y entamador de los mesmos dende la so primer edición na que se llegaron a matricular 45 alumnos y alumnes d'estremaes procedencies y edaes. El cursu constará d'estayes gramaticales, lliteraries, sociollingüístiques y creatives, teniendo como oxetivu l'adquisición d'una bona competencia comunicativa oral y escrita n'asturianu. Esti añu el cursu afondará en custiones de creación lliteraria, llectura comentada, comentariu de testos lliterarios ya espresión oral en contestos coloquiales y formales. Los interesaos puen matriculase pela seña electrónica cursu@wanadoo.es , o bien acudiendo directamente a les clases de los xueves. Los participantes recibirán asinamesmo un diploma acreditativu.