ASTURIES ANTITAURINA MANIFESTÓSE EN XIXÓN

[astúricu]

http://galeon.com/ayudaanimales/asturia ... ijon06.htm



Asturies Antitaurina manifestóse contra les corrides

L'Asturies antitaurina manifestóse esti domingu 13 d'agostu na ciudá asturiana de Xixón pa protestar contra les matanzes públiques de toros o torades conocíes tamién n'Hespaña como "corrides". La manifestación partió de la xixonesa plaza de San Miguel a les 5,30 la tarde y llegó hasta'l mataderu de toros d'El Bibiu xustu a tiempu pa esperar a tol públicu na entrada principal, que nun llenó nin la mitá del aforu del mataderu, pa glayar consignes contra les torades y contra'l mesmu públicu qu'entraba a esa hora nel edificiu. Ellí axuntóse otru abondosu grupu de xente con cartelos y pancartes contrarios a les torades y que nun paró de glayar frases contra les matanzes públiques de toros y contra'l públicu que diba entrando poco a poco nel mataderu de toros d'El Bibiu. Los manifestantes na so gran mayoría xente mozo glayaron frases como " Si quies ver sangre córtate les venes", "La tortura nun ye arte nin cultura", "Da-y el dineru de la entrada a los probes", y otres del tipu "asesinos, sanguinarios y cobardes". La mayoría los asistentes a la matanza reaccionaba con bon humor a los glayíos pero dellos retrucaben engriescaos a los manifestantes con otros insultos y glayíos, too ello en presencia d'un grupu policial que facía de cordón separtador ente manifestantes y públicu asistente a la matanza de toros. La manifestación antitaurina de Xixón taba iguada poles asociaciones AsturiasAntitaurina.info y por anadel.org, estes entidaes faen un llamáu a toles asociaciones, partíos ya instituciones interesaes n'apoyar les campañes antitaurines n'Asturies animándoles a sumase a un llistáu como entidaes que sofiten les campañes d'abolición de les torades o matanzes públiques de toros n'Asturies.