Asturian-American Migration Forum

La noche del escorpión acapara les nominaciones

del 3r Festival de Cine Asturianu





La película La noche del escorpión, dirixida por Eva Lesmes atropa ella sola la mayoría de les nominaciones a los premios del 3r Festival de Cine Asturianu que tendrá llugar n’Uviéu del 30 de marzu al 4 d’abril del 2007 nel escenariu del Teatru Filarmónica. La noche del escorpión atropa en conxuntu les nominaciones al Premiu al Meyor Guion, Meyor Actriz (Pilar Rodriguez), Meyor Dirección (Eva Lesmes) y dos nominaciones al Meyor Actor del Festival (Miki Molina y Kike Díaz de Rada) amás del Premiu a la Meyor Película. Producida por Pedro Costa, Igueldo y Barataria nel añu 2002 narra la hestoria d’un crimen irresueltu basáu nunos fechos reales que tuvieron llugar na ciudá de Xixón nos años setenta. La directora xixonesa Eva Lesmes llevó a la pantalla esta película adaptando un guión inspiráu nun llibru del escritor Vicente García Oliva. La segunda obra en númberu de nominaciones ye Ricardo, piezas descatalogadas, de Producciones Imago, dirixida polos asturianos Carlos y Carmen Rico, que opta a cuatro premios del Festival, los premios al Meyor Curtiumetraxe Asturianu notra llingua, Meyor Actriz (Rosario Pardo), Meyor Guion y Meyor Dirección.

Cuatro obres opten a trés nominaciones a los premios: Huellas en la nieve, Matar el tiempu, Sístole-Diástole y El último alquimista.

Con dos nominaciones tán les obres titulaes: Recuerdos sólidos urbanos y Soleado exterior.

Con una sola nominación alcuéntrense les obres siguientes: La colina del cuervu, Último tren a Tahití, Madame Pistolet y Single.

Los nominaos al Premiu al Meyor Actor son: Kike Díaz de Rada y Miki Molina por La noche del escorpión; Francisco Vidal y Francisco Racionero por Sístole-Diástole.

Les nominaes a la Meyor Actriz son: Rosario Pardo por Ricardo piezas descatalogadas; Pilar Rodríguez por La noche del escorpión, Patricia Cercas por Soleado Exterior y Agripina Menéndez por Matar el tiempu.

Los miembros del xuráu oficial d’esti Tercer Festival de Cine Asturianu daránse a conocer el mesmu día de la Gala d’Entamu del día 2 d’abril. La entrega de premios y l’homenaxe al Premiu d’Honor del Cine Asturianu tendrán llugar nel mesmu Teatru Filarmónica a les 6 de la tarde del miércoles 4 d’abril del 2007.






--------------------------------------------------------------------------------





3r FESTIVAL DE CINE ASTURIANU – NOMINAOS A LOS PREMIOS – SECCIÓN OFICIAL


--------------------------------------------------------------------------------



NOMINAOS A MEYOR CURTIUMETRAXE ASTURIANU NOTRA LLINGUA:



- La colina del cuervo (Presupuestocero)

- Recuerdos sólidos urbanos (Pepe Carrasco y César González)

- Último tren a Tahití (Médula producciones y Bláster)

- El último alquimista (Nicolás Caicoya)

- Huellas en la nieve (Ruedo producciones)

- Soleado, exterior (ECAM)

- Madame pistolet (Paula Mejido y Susana Melero)

- Ricardo, piezas descatalogadas (Imago producciones)

- Single (Aventuras visuales)

- Sístole-Diástole (PMC y La Mecánica)


--------------------------------------------------------------------------------



NOMINAOS AL MEYOR ACTOR:



- Francisco Vidal por Sístole-Diástole

- Francisco Racionero por Sístole-Diástole

- Miki Molina por La noche del escorpión

- Kike Díaz de Rada por La noche del escorpión


--------------------------------------------------------------------------------



NOMINAES A LA MEYOR ACTRIZ:



- Patricia Cercas por Soleado, exterior.

- Agripina Menéndez por Matar el tiempu

- Rosario Pardo por Ricardo, piezas descatalogadas

- Pilar Rodriguez por La noche del escorpión


--------------------------------------------------------------------------------



NOMINAOS AL MEYOR GUIÓN:



- Nicolás Caicoya y Alfonso Nogueroles por El último alquimista

- Pepe Carrasco por Recuerdos sólidos urbanos

- Eva Lesmes, Javier Gancedo y Vicente García Oliva por La noche del escorpión.

- Carmen Rico y Carlos Rico por Ricardo, piezas descatalogadas.

- Pedro Touceda por Huellas en la nieve


--------------------------------------------------------------------------------



NOMINAOS A LA MEYOR DIRECCIÓN:



- Nicolás Caicoya por El último alquimista

- Santos Hevia por Matar el tiempu

- Eva Lesmes por La noche del escorpión

- Carmen Rico y Carlos Rico por Ricardo, piezas descatalogadas

- Pedro Touceda por Huellas en la nieve.


--------------------------------------------------------------------------------




FESTIVAL DE CINE ASTURIANU

Ciudad Real 9 – 1º - 14

28045 MADRID – HESPAÑA



festivalcineastur@wanadoo.es





www.quediario.com/blogs/608/

Juan Gona, Premiu d’Honor del

3r Festival de Cine Asturianu


El productor de cine Juan Gona recibirá’l próximu día 4 d’abril n’Uviéu el Premiu d’Honor del Cine Asturianu que-y concede’l 3r Festival de Cine Asturianu que se fairá nesta ciudá del 30 de marzu al 4 d’abril del 2007. L’escenariu del Teatru Filarmónica de la capital asturiana va ser tamién el marcu onde se-y dedicará un emotivu homenaxe a tola so obra y carrera artístia realizada hasta la actualidá yá que Juan Gona ta trabayando nesti momentu n’abondos proyectos cinematográficos, en tou o en parte siempre relacionaos con Asturies. Juan Martínez Fernández nació en Buslloñe, nel conceyu asturianu de Morcín en 1957 y creó la factoría de cine Producciones Gona col fin de facer non sólo cine d’éxitu comercial sinon tamién d’una alta calidá artística tanto pa les pantalles como pa la televisión. Nesti momentu ye ún de los productores de cine independiente más importantes n’Hespaña y llueu de conseguir abondos éxitos tien la firme intención de que la so tierra asturiana recupere l’antigu esplendor cinematográficu que tuvo n’époques pasaes. Nesti sentíu ye’l promotor de la idea de Primeres Tomes consistente en da-y la oportunidá a los meyores cineastes noveles asturianos de realizar los sos primeros llargometraxes a ser posible rodaos nel marcu incomparable de los escenarios asturianos, emponderaos por tolos cineastes como unos de los meyores pa rodar cine. La película Dama de Porto Pim, rodada dafechu n’Asturies ye otra producción de Juan Gona onde los niveles d’esixencia técnica y artística son evidentes, película na que trabayó D. Gil Parrondo, Premiu d’Honor d’esti mesmu Festival. Otres exitoses películes de Juan Gona como productor son: Santera (1993), Don Juan (1997), El caballero Don Quijote (2002), El año del diluvio (2003), Vete de mi (2006), Oviedo Express (2007). Actualmente tien en procesu de rodaxe n’Asturies la película “Tesoro mío” cola asturiana Teresa Marcos y “Alegría” con Lucinda Torre. Otres películes propiedá de Producciones Gona www.gona.es son: Más allá del deseo (1976), Secuestro (1976), Los hijos de (1976), Volvoreta (1976), Esposa de día amante de noche (1977), Doña Perfecta (1977), Estimado señor juez (1978). El productor ye la figura esencial del trabayu cinematográficu yá que d´él suel entamar la idea artística, la intención y el fin creativu y el so trabayu non siempre ye abondo valoráu o reconocíu. Como director rodó en 1985 el documental etnográficu “Los Vaqueiros de Alzada de Asturias” y “Muniellos reserva biológica”. El llabor que ta faciendo Juan Gona por poner al Cine Asturianu con mayúscules nel llugar que se merez nun tien preciu y esti Premiu d´Honor del Festival de Cine Asturianu esperemos que se sume asina a una llarga riestra de reconocimientos y admiración que´l mundu del cine y la sociedá en xeneral debemos a esti asturianu exemplar.






--------------------------------------------------------------------------------





PROGRAMACIÓN DEL 3r FESTIVAL DE CINE ASTURIANU:





- VIENRES 30 de marzu, Club de Prensa Asturiana d’Uviéu:



18 hores: PRESENTACIÓN DEL 3r FESTIVAL DE CINE ASTURIANU. Nominaos a los Premios. Presentacón de los trailers del Festival.



- LLUNES 2 d’abril, Teatru Filarmónica, Uviéu:



18 hores: GALA D’ENTAMU. Ballets ACHÉ-NONAYA d’Uviéu. Presentación de los curtiumetraxes finalistes de la Sección Oficial a Concursu.



- MARTES 3 d’abril, Teatru Filarmónica, Uviéu:



18 hores: Presentación y proyección del Premiu al Meyor Documental.

20 hores: Presentación y proyección del Premiu a la Meyor Película.

22 hores: Sección en Pareyo: Proyección de la película VETE DE MI (Producciones Gona, 2006)



- MIÉRCOLES 4 d’abril, Teatru Filarmónica, Uviéu:



18 hores: GALA DE PIESLLE. Ballet BAIDÁN d’Uviéu. Gala d’entrega de los Fruteros de Cristal, Premios del Festival de Cine Asturianu pa les diferentes categoríes y homenaxe a Juan Gona, Premiu d’Honor del Cine Asturianu 2007.

Presentación y Proyección de les obres: Los vaqueiros d’alzada d’Asturies (Juan Gona, 1985) y Muniellos reserva biológica (Juan Gona 1982)



entrada llibre a toles sesiones




--------------------------------------------------------------------------------



festivalcineastur@wanadoo.es