Film sobre las "AsturianUS"

[felechosa]

Una cinta sobre la emigración asturiana a los EEUU compite nun concursu de documentales


30/04/2007 "Llegaron dende Asturies a las fábriques d'Anmoore, Spelter o Donora, llamaos pol suañu americanu, va casi un sieglu... Pero la so condición proletaria nun cambió demasiao, y les sos vides enfrentáronse a un idioma y unos vezos distintos de los d'ellos. Los obreros asturianos del zinc tuvieron que blindar el so sentimientu de comunidá, siguir siendo "asturianus" n'América. Asina se presenta'l documental "AsturianUS" un trabayu del director asturianu Luis Argeo que va proyectase na sección de competición del certame de Llargometraxes "Documenta 07" que va celebrase en Madrid esti mes de mayu.

El documental, que yá se presentare nel pasáu Festival de Cine de Xixón, recuerda al traviés de los sos 50 minutos, l'orixe d'estos emigrantes, los más d'ellos de la parte de Castrillón, que marcharon a trabayar na industria del zinc a primeros del sieglu XX nos EEUU, xorrascando na so historia hasta'l presente, cuando en West Virginia y en Pennsylvania, los descendientes d'aquellos trabayadores asturianos caltienen el so llugar na historia.

La cinta va pasase dientro de les proyecciones del festival el próximu sábadu 5 de mayu a les 19h30 na sala 9 de los Cines Princesa y el martes 8 na sala 8 d'esti mesmu complexu cinematográficu.