Asturianos nos Estaos Uníos va facer una banda de gaites
Posted: Mon Jun 04, 2007 3:45 pm
L’Asociación Asturianos nos Estaos Uníos va facer una banda de gaites propia
L'Asociación "Asturianos nos Estaos Uníos" (ASUSA) quier crear una banda de gaites propia como un ipreséu que sirva p'axuntar a los cerca de cien miembros que formen parte del colectivu y que viven espardíos per tola xeografía del país.
El profesor universitariu Alberto Prieto Calixto, representante d'ASUSA, quier que la banda llegue a tocar nel desfile de San Patricio de Nueva York, anque l'oxetivu ye difícil de llograr en cuantes que los socios ensayen en casa les más de les veces coles sos gaites de manera individual al separtalos distancies de cientos y miles de kilómetros.
Por ello, la Banda de gaites, más que rescamplar polos sos llogros musicales, plantéase como una ferramienta pa meyorar les rellaciones ente los socios d'ASUSA, colectivu abiertu a asturianos y descendientes d'asturianos pero tamién a persones interesaes na cultura y historia asturianes ensin falta de ser asturianos, y que ye una de les asociaciones de la nueva emigración asturiana xunto cola madrileña ASMA o la belga ASBRU. Toes estes asociaciones van celebrar un alcuentru n'Asturies estes navidaes.
http://www.asturies.com/noticia.php?cod=27855
L'Asociación "Asturianos nos Estaos Uníos" (ASUSA) quier crear una banda de gaites propia como un ipreséu que sirva p'axuntar a los cerca de cien miembros que formen parte del colectivu y que viven espardíos per tola xeografía del país.
El profesor universitariu Alberto Prieto Calixto, representante d'ASUSA, quier que la banda llegue a tocar nel desfile de San Patricio de Nueva York, anque l'oxetivu ye difícil de llograr en cuantes que los socios ensayen en casa les más de les veces coles sos gaites de manera individual al separtalos distancies de cientos y miles de kilómetros.
Por ello, la Banda de gaites, más que rescamplar polos sos llogros musicales, plantéase como una ferramienta pa meyorar les rellaciones ente los socios d'ASUSA, colectivu abiertu a asturianos y descendientes d'asturianos pero tamién a persones interesaes na cultura y historia asturianes ensin falta de ser asturianos, y que ye una de les asociaciones de la nueva emigración asturiana xunto cola madrileña ASMA o la belga ASBRU. Toes estes asociaciones van celebrar un alcuentru n'Asturies estes navidaes.
http://www.asturies.com/noticia.php?cod=27855