Asturian-American Migration Forum

Ai Pachin


¡Ai, Pachín! Cásate comigu
que mio padre va dame buen dote,
que yo tengo munches faciendes,
todes les tengo nel cogorote.

D'equí a Somió todo ye mio,
de Somio acá todo ye del mio pá;
mira que suerte vas a tener
cuando me lleves a mi por muyer.

Tengo una bona casería
mesmamente metá de Perlora.
con unes cuantes tierriquines,
que les tengo, Pachín, de memoria.

Y un güertiquín, y un güertiquín
que todu'l añu me da perexil,
y un manzanal, y un manzanal
que les manzanes me valen a rial.
En casándome mio pá dame
una cama que ye de madera
que solo-y falten los llargueros
y dos pates cola cabecera.

Tamién me da bon colchoncín
que nun tien llana nin fueya nin crin,
y pa con él un cabezal
fechu de paya robá nun payar.

De maíz, fabes y patates
cueyo al añu dos mil celeminos,
pero todos los cueyo n'andecha
cuando me llamen los mios vecinos.

Y na cubil tengo tamién
una marrana que cien años tien,
tengo un gochín, tengo un gochín
pa que lu cebe el señor Pachín

ya esxiste una hilo con este nombre la conversacion sigue aqui