Asturian-American Migration Forum

Un saludu dende NY pa tolos que facéis y visitáis Asturianus.org. Como diz Dixebra, "Internet ye nación, lo demás ye xeografía", así que pa entarmar mándovos esti enllaz pa facer un poco más de patria. Ye un documeltal sobre la música asturiana fecho por escolinos de La Pola L.lena. Ye amateur, pero de xuru que vos presta.

Saludos otra vez y si daquién vive cerca de Manhattan, equí tamos pa tomar unos bonos culetes de sidra. ¡Qué si no, tando na Gran Manzana!

Enllaz al documeltal

Benxamen wrote: Saludos otra vez y si daquién vive cerca de Manhattan, equí tamos pa tomar unos bonos culetes de sidra. ¡Qué si no, tando na Gran Manzana!

Bienl.legau a la rede asturiana d'esti l.lau la mar, Benxa. Au ties atrouxada la sidra esa que igual vamos p'al.lo los que tamos aveiraos a Nueva York.

Senon, igual ia qu'atouparas un sitiu que vende sidra asturiana? Nun taras falando de la del Gaiteru de la Villa? Esclarianos eso que si non vei haber un garrapiel.lu xente camin de Nueva York bien ceu...

Saludinos dende Washington.

Buenes, Is:
A ver, paez mentira que nun sepas lo grandonos que nos ponemos los asturianos, sobre too cuando tamos recién emigraos. ¿Qué pensabes que tenía un llagar na 5ª avenida?. Pero puede apañase daqué, en Queens hai una tienduca que se llama "De Epaña", pero que ye d'un asturianu, y dedícase a la importación de material valiosu, esto ye, gastronómicu. Tolos sábados fai unes sesiones de degustación. Si nun tien sidra, ye too comenta-ylo y nos la trae, del Gobernador como mínimo.
Amás, díbamos tar como en casa, pémeque'l sitiu ta nuna parte de Queens que se llama Astoria, lo que de mano alvierto que tien su parte mala por aquello de:
-Where are you from?
-I'm from Asturias.
-Oh realy! Astoria, Queens?
-Non, ¡As-tu-ri-es!

Eso ye too, y si tais cerquina igual vos apetez acercavos güey al King Juan Carlos, que va presentar Luis Argeo el documental "AsturianUS", que de xuru conocéis perbién.

Un saludu.

Benxamen wrote:¿Qué pensabes que tenía un llagar na 5ª avenida?. Pero puede apañase daqué, en Queens hai una tienduca que se llama "De Epaña", pero que ye d'un asturianu, y dedícase a la importación de material valiosu,

Home, pues nun taria mal una sidreria na 5a avda, con pinchinos de bon queixo, parrochines ya chipirones. Muita xente diria namai pa ver echar la sidra. Nuna ciuda con bien pouco d'Asturias ya Galicia, dexuro que tien tiron un chigre asturianu.

Los gal.legos seique tienen 'Xunta', el barucu esi de 1st Ave cona cai 14 que sirve buen vinho gal.lego. Hai anos tuvo que deixar de poner musica tradicional gal.lega ya celtica porque la xente queria flamenco (los americanos, claro).

Escuita, has decinos si el paisanu de la tiend n'Astoria tien sidra ya fabes. Outra cousa, Astoria ia un barriu griegu. Asina que aproveita tamen pa mercar yogur...