lleer n'asturianu

[guillermogarcia08]

¡Cuánto presta lleer n'asturianu!

Histories d'un seductor (Memories d'un babayu) de Miguel Rojo

"...Ún de los parroquianos que más diba pela tertulia yera'l médicu. A esti paisanu, entá un pocu más vieyu que mio pá, y al que enxamás vi rise nin chanciase de nada o naide, tenía-y yo verdaderu respetu, por nun dicir mieu. Sicasí, debía quereme bien, pos si ye verdá qu'enxamás me dirixía la palabra y que m'ignoraba por completo, a cada poco mio pá dábame de parte d'él entraes pal cine -acabante abrilu-, pal partíu de fútbol y, nuna ocasión hasta me vieno con un muñecu anatómicu d'armar y desarmar. Pero a lo que vamos: Don Arsenio -qu'asina se llamaba'l médicu- tenía por esposa a una muyer abondo más nueva qu'él y que solía venir per casa a charrar con mio ma, cola que tenía gran amistá..."