Jerraxe, juercexudu...

[Ramón Sordo Sotres]

JERRAXE, JUERCEXUDU…

   Ello é que ya son muchos los años que n’Asturias se parllan el gallegu (en variantes del llugar y en conceyos que tán cerca Galicia), l’asturianu y el castellanu, qu’hoi é, con muchu, la lluenga que más se jabla. Amás, nel saliente de la provincia lo que se sintía era la variante del Purón-Deva, que según unos entraba dientro l’asturianu y según otros nel castellanu o nel montañés o cántabru.
   Dos consonantes mui netas del asturianu son la je (aspirada fricativa sorda, tan asturiana o más que la efe) y la equis (palatal fricativa sorda); las dos axúntanse en dellas pallabras, topónimos y dichos como, un suponer:
   Jablaxe, jardaxe, jerraxe, jilandraxos, joguexu, juercexudu.
   El Jaedu Xanguxa (un sitiu con jayas que ta n'Escar, nel merudía de Llanes), El Joyo la Xana (en Caín), Joxu (Celoriu), Jubaxu (Meré o Caldueñu).
   'Jacer un traxe'; 'mexar juera el tiestu'; 'xana mientras jila non devana'; 'xuntóse la jambre conla gana comer'; 'jui, vieni, trexi y llevé, dala al diablu que nada axunté'; 'al ríu de correr y a la xente de jablar, quién-yos lo puede quitar'.

    Ramón