NEWS OF NOVEMBER IN ASTURIAN - AXENCIACPN
Posted: Sat Nov 20, 2004 9:00 pm
CPN
--------------------------------------------------------------------------------
Ésitu cuasi total na fuelga pola situación del Asturianu
Los convocantes de la fuelga fecha el pasáu 10 de Payares na enseñanza media d'Asturies en protesta pola murnia situación de la enseñanza de la llingua asturiana col actual goviernu del PSOE calificóse como d'un total ésitu por parte de les entidaes convocantes. La concentración de protesta convocada pola Xunta Moza n'Uviéu dientro de la xornada de paru nos institutos de secundaria asturianos poles condiciones d'enseñu de la llingua asturiana axuntó a más de 250 estudiantes d'Uviéu, ciudá onde'l seguimientu del paru foi total.
En munchos conceyos tamién hebo un seguimientu mui altu del paru, casos de Siero, o Llanera. El seguimientu de la fuelga abarca tol territoriu asturianu, y pel oriente, en Llanes hebo paru dafechu, mientres que en Nava y Cangues d'Onís foi de más del 80%. Pel occidente pasó otru tanto, con paru dafechu nel IES de Cangas del Narcea y del 90% Tinéu, ello anque la directiva avisare de que diba poner falta d'asistencia por dir a la fuelga. Nes cuenques mineres repítese'l panorama, con paros de más del 90% nos IES de Ciañu y de La Felguera L'únicu conceyu onde la participación nun foi tan espectacular foi Xixón, onde namás dos institutos, el de les Ursulines yel de la Universidá Llaboral, rexistraron un paru superior al 80%, siempre según datos de la organización convocante. La baxa participación en Xixón esplícase pola actuación de dellos centros. Delegaos de clas d'institutos comentaron que les xefatures d'estudios posicionáronse cláramente a la escontra de la fuelga y torgaron una mayor participación. Miembros de Xunta Moza allegáronse hasta la Plaza l'Ayuntamientu con una pancarta cola intención d'entrega-y a la Conceyala d'Educación y Llingua Asturiana Carmen Rúa copia del manifiestu de la fuelga. La conceyala, que va poco manifestó en público que en Xixón la Conseyería d'Educación nun taba mandando los mayestros que se precisaben pa cubrir l'aumentu de la demanda d'asturianu nos IES del conceyu.
La fuelga convocada pola Xunta Moza paralizó institutos per too Asturies nuna xornada de llucha contra la política llingüística negativa del PSOE contra la llingua asturiana. Los IES de la Pola Siero, el de Llugones o el Pérez d'Ayala n'Uviéu pararon dafechu, y el paru rexistra una alta participación notros como'l de la Pola L.lena o l'Infiestu, onde s'estima la participación nel paru nun 90%. Representantes de Xunta Moza celebraron l'ésitu de la convocatoria que calificaron de "ésitu". El siguimientu de la fuelga ye masivu, nos cursos más avanzaos, rexistrándose una tasa mínima d'asistencia a clase nos cursos de 1º y 2º d'ESO, mientres que'l paru en bachilleratu ye poco menos que total. Los responsables de Xunta Moza felicítense pol ésitu de la iniciativa. Dende XM afírmase que "cualquier resultáu yera un ésitu, pero esto perpasa toles previsiones".
Sobre les declaraciones del Conseyeru d'Educación del PSOE Iglesias Riopedre, qu'afirmó ayeri na viéspora de la fuelga que l'añu qu'entra diba poder estudiase asturianu "en tolos cursos" dende Xunta Moza entienden que' conseyeru socialista ta "vendiendo fumu". Según la organización, la Conseyería del PSOE tendría de concretar si amás de llegar "a tolos cursos" la ufierta d'asturianu va llegar "a tolos centros y a tolos estudiantes". Los responsables de Xunta Moza denunciaron que la universalización de la enseñanza del asturianu "nun ta nes previsiones del gobiernu socialista" y declararon que l'actual alministración socialista lleva años faltando a les sos promeses ya incumpliendo la llei. En cuantes a la continuidá de les movilizaciones, Xunta Moza anunció que la fuelga de güei ye "un principiu y non un final" nuna campaña de reivindicación y protesta contra l'agresión que fai el goviernu socialista a la llingua asturiana.
La Xunta Moza, que depende de la Xunta Pola Defensa de la Llingua Asturiana, entiende que la situación de la escolarización de la llingua asturiana ye tan preocupante que nun queda más remediu que plantegá-y a l'alministración socialista la fuelga. Dende qu' entamó'l cursu escolar, pue dicise que los casos de protestes particulares y colectives pola escolarización del asturianu nun apararon, y dellos vienen yá de vieyo. Ún de los más conocíos ye'l de Catuxa Bermeyu, alumna del IES Naranco d'Uviéu que l'añu pasáu nun tuvo derechu a recibir clas d'asturianu, empobinándola l'institutu a un grupu de francés al que la neña nun se presentó en tol cursu, suspendiendo l'asignatura. Agora Catuxa, que ta repitiendo cursu, tien qu'asistir amás por decisión del centru a un grupu d'educación especial.
Tres del casu de l'alumna Catuxa Bermeyu, alumnos d'Institutos de toa Asturies ficieron público que nos sos centros nun disponíen de mayestru d'asturianu, ello con tener solicitada l'asignatura más estudiantes del mínimu d'ocho que se pide. L'IES de Ciañu (Llangréu), l'IES "Universidá Llaboral" de Xixón o l'IES Alfonso II d'Uviéu son trés d'estos casos. Xunta Moza, que recoyó delles d'estes denuncies, investigó por cuenta propia y descubrió que dellos institutos nin siquiera daben la opción d'asturianu nos sos cartafueyos de matriculación, lo que suponía un incumplimientu dafechu de la Llei d'usu del asturianu de 1998, qu'obliga a ufiertar l'asignatura ensin dexar opciones.
Les denuncies de Xunta Moza, sindicatos d'enseñanza y colectivos d'alumnos dende qu'entamó'l cursu paez que nun repercutieron na Conseyería d'Educación del PSOE, y les declaraciones del Conseyeru asturianu del PSOE nes qu'afalaba al que quixere matriculase n'asturianu a marchar pa otru centru del so conceyu onde se diere calecieron más l'ambiente. Iyán González, de Xunta Moza, reconoció que ye inasumible que dempués de tola retafila de denuncies y casos que se ficieron públicos entovía queden institutos "onde hai grupos de más de doce persones que nun se-yos pon mayestru d'asturianu" y llamenta que "la Conseyería del PSOE arme un añu tres d'otru'l mesmu escándalu".
El sindicatu d'enseñanza SUATEA pela so parte yá ta cansu de "güelpes de timón" na enseñanza del asturianu y denuncia que la Conseyería d'Educación del PSOE incumple la llei en tolos niveles del sistema educativu. En primaria nun taría cumpliéndose l'alcuerdu de plantiya del 7 de setiembre del 2000, que mandaba la presencia d'un docente d'asturianu a tiempu completu en tolos centros, siendo les itinerancies ente centros una midida escepcional. Según SUATEA, estes itinerancies son lo normal na dinámica diaria de l'alministración socialista. De la mesma manera, en munchos centros l'asignatura conséñase como "alternativa cultura asturiana" lo que en dellos casos aprovéchase p'adelantar materia. SUATEA diz que, en llegando a la secundaria y bachiller l'asignatura apaez como optativa en cuenta de voluntaria, lo qu'incumpliría la llei d'usu, qu'especifica que l'asignatura tien de ser voluntaria ensin competencia con otres. Amás d'esto, como yá denunciaren otres organizaciones como la Xunta Pola Defensa de la Llingua Asturiana y hasta los mesmos estudiantes, munchos centros nun ponen l'asturianu nel cartafueyu de matriculación. SUATEA recuerda tamién la gravedá de la situación n'educación d'adultos, onde l'asignatura cenciellamente nun esiste.
Sobre la situación del profesoráu, la organización sindical diz que la inestabilidá ye altísima, y sorraya'l fechu de que, al cambiar los alumnos de profesor a cada cursu, ello supón-yos una grave inestabilidá a les dos partes. Les declaraciones del titular de la Conseyería d'educación del PSOE sobre l'asuntu, declarando que l'asturianu dase por localidaes y non por centros recibe la condena del sindicatu, que nun entiende por qué entós otres asignatures como la relixón se ponen en tolos centros y que s'entruga si ye que va haber centros pa estudiar inglés o matemátiques. Suatea ve que la oficialidá del asturianu ye la única igua posible, pero ve preciso adoptar midíes urxentes, ente les que destaca'l poner l'asturianu como materia curricular básica coles mesmes hores que'l castellanu y garantizar la so enseñanza en tolos niveles, amás de la creación de planes de formación permanente en llingua asturiana pal profesoráu.
Sobre la cuestión de los centros nos que nun se punxo profesor d'asturianu incluso teniéndolo solicitao alumnos abondos pa facer grupu, Berto Megido, ún de los responsables de la estaya de llingua de la organización sindical, declaró a Asturies.com que "anque hai dellos casos puntuales que van solucionándose, casu del Institutu de Ciañu o del Ximena, lo cierto ye que la sensación que se tresmite dende la Conseyería d'educación del PSOE y, en concreto, dende Inspección, ye de que nadie quier facese cargu del ema y que namás quieren pasase la pelota ente ellos" . Berto esplicó que la protesta nun va quedar nos medios de comunicación y adelantó una posible unidá d'acción ente les trés grandes organizaciones sindicales d'enseñanza (FETE - UXT, CCOO y la mesma SUATEA) sobre esti particular repitiendo la que yá se dio va dos años sobre esti mesmu asuntu.
--------------------------------------------------------------------------------
Eurominority llanza la so versión n'asturianu
Eurominority.org ye'l sitiu na rede dedicáu a les naciones d'Europa y minoríes nacionales que dende agora llanza la so versión en llingua asturiana. La Organización pa les Minoríes Europees y el Centru pa la Investigación y Promoción de les Naciones d'Europa (OME-CIPNE) tienen la so sede en Bretaña y espárdense en tol mundu al traviés de la so páxina web www.eurominority.org . Estos organismos privaos analicen y estudien tolos fechos nacionales y naciones d'Europa, pol tipu de conflictos esistentes o pol tipu de reivindicaciones, bien dientro de los estaos oficiales o per una llista alfabética de les naciones y pueblos europeos. Eurominority dixebra ente naciones o nacionalidaes (con un territoriu definíu) y los pueblos desplazaos por causes históriques o polítiques, tamién estudia tanto los pueblos que tienen un estáu de referencia como aquellos que carecen d'él o que nun tienen nengún tipu d'autonomía o d'independencia política. Eurominority tamién editó un mapa de toles naciones y pueblos europeos amás d'un gráficu con toles banderes de les naciones d'Europa ente les que s'alcuentra Asturies. Eurominority.org ye una antoxana na rede na que se pue atopar información sobre tolos pueblos y naciones d'Europa, amás de noticies ya información en bien de llingües menores y mayores d'Europa. Agora llanza la nueva versión n'asturianu y que se pue güeyar escoyendo l'asturianu ente'l llistáu de llingües anguañu disponibles nesti portal.
--------------------------------------------------------------------------------
Artistes de Madrid apoyen salvar el Teatru Arango de Xixón
Una garrapiellu d'artistes ya intelectuales de Madrid decidió xunir les sos fuerces a les de la Plataforma xixonesa pa facer un grupu de denuncia y presión en Madrid pa lluchar por una xusta causa en defensa del teatru y la cultura, la salvación del vieyu coliséu Teatru Arango de Xixón, ún de los teatros con más raigañu d'Asturies, que ve agora peligrar la so esistencia por culpa de la especulación urbanística y empresarial qu'amenaza cola futura destrucción del Teatru Arango pa camudar el so terrén n'oficines y apartamentos. El grupu creáu pa salvar al Teatru Arango de Xixón cunta con amestar el mayor númberu d'apoyos posibles pa esta causa especialmente ente tolos miembros de la profesión artística, actores, cineastes, músicos y sobre too dirixise ante les más altes instancies públiques y medios de comunicación pa denunciar lo que consideren un atentáu más contra la cultura: non sólo se trata del pieslle d'un antigu teatru de raigame sinon de la so destrucción física y especulativa, ante la pasividá de los políticos asturianos.
El Teatru Arango de Xixón ye un vieyu coliséu pel que actuaron innumberables compañíes de teatru, música y variedaes dende la postguerra y hasta hai poco venía proyectando películes comerciales yá que pertenecía al circuitu empresarial de los cines Fernández Arango. Tres dos años de neglixente abandonu, el propietariu priváu del mesmu pretende declaralu en ruina en vanu yá que'l coliséu ta en perfectu estáu d'usu anque sufre una clara desidia por parte de llos propietarios pa poder vendelu a una empresa de cosmética y allugar nel solar les sos oficinas y sede empresarial. El teatru atópase en plenu centru comercial de Xixón y el valor desorbitáu del solar desborda los beneficios económicos que los propietarios obteníen cola sola xestión como sala de cine.
El grupu de presión creáu en Madrid pa salvar al Arango piensa denunciar los fechos a la opinión pública, ante la pasividá de l'alministración, que se ñega a facerse cargu del teatru y a la so expropiación pública y denunciar sobre too a la empresa que s'encuentra detrás de too esti turbiu negociu especulativu: esta empresa ye CORPORACIÓN DERMOESTÉTICA, negociu dedicáu a traficar col conceptu de guapura y a realizar operaciones quirúrxiquas d'estética sobre cuerpos humanos.
Por too ello esti grupu madrileñu pa salvar el Teatru Arango de Xixón decició entamar la primer acción reivindicativa consistente nuna manifestación-concentración énte la sede central de CORPORACIÓN DERMOESTÉTICA, allugada na cai Hermosilla 28 de Madrid, onde se lleyó el comunicáu de denuncia fechu pola primer Plataforma creada en Xixón y aonde se canalizarán tolos apoyos recibíos. Amás pidióse una entrevista col director d'esta empresa pa que renuncie a la compra del teatru xixonés y busque otru solar pal negociu, yá que destruír un treatru nun ye estéticu ni beneficia la imaxe de nenguna empresa. Los integrantes del garrapiellu d'artistes pegaron octavilles na fachada de la mentada empresa y desplicaron a los clientes y vecinos la problemática suscitada recibiendo comprensiones y apoyos darréu.
El grupu de presión de Madrid pa salvar al Teatru Arango tá promovíu y encabezáu por Miguel de Diego (Arlekín) cantante y compositor; Xaviel Vilareyo (escritor y guionista), María Bolkan (actriz), Mercury (astrólogu), José David (cineasta), José Peiteado (actor), María Carabantes (actriz), Sheila del Valle (actriz), Alba Costa (cantante), Alma Zamora (cantante), Paco Segura (músicu), Susana Morena (baillarina), María Piqueras (baillaora), Las Kukis (cantantes), Dúo Chocolate (cantantes), Miguel de la Torre (pintor), Rocío Durán (poeta), ente otros y cunta agora con más de cien adhesiones.
La plataforma d'artistes de Madrid en defensa del Teatru Arango pa la so revitalización y usu cultural confía en recoyer los más de los apoyos posibles y denunciar esta murnia situación nos medios de comunicación ya instiruciones pertinentes. Como solución pa un futuru usu del teatru los artistes proponen que'l Teatru Arango seya la futura y definitiva sede de la Filmoteca d'Asturies, un proyectu necesitáu d'una sede permanente y digna.
--------------------------------------------------------------------------------
La revista Altair omite a Asturies
nel so númberu sobre "Naciones celtas"
La revista catalana Altair, dedicada al turismu y los viaxes, marxinó deliberadamente a Asturies nel so caberu númberu 31 monográficu dedicáu a les nomaes "Naciones celtas" d'Europa. Nella faense dellos reportaxes nos que animen a los llectores a visitar y tastiar les maravíes turístiques d'Escocia, Irlanda, Bretaña, Cornualles, Gales o Galicia, pero omiten dafechu a Asturies nel so númberu, desinformando asina a los lLectores y marxinando a Asturies de la marca turística reconocida internacionalmente como una de les naciones celtes de la Europa atlántica. Los perxuicios turísticos, económicos y d'imaxe p'Asturies son una vegada más materialmente llevaos a cabo esta vegada por un medio de comunicación que fai asina por ocultar a Asturies, marxinala y facer ver como si nun esistiera nel mapa de les nomaes naciones celtes. Incultura, desinterés, falta d'información amañosa, pocu pesu políticu d'Asturies, presiones gallegues o bien la cafiante zuna o prexuicios antiasturianos son los que lleven una vez más a marxinar al pequeñu gran País Asturianu del gran mercáu del capital, la cultura y el turismu masivu, pa qu'esta vez sí, se beneficien otros en llugar d'Asturies. Naide entiende esta vegada la esclusión d'Asturies d'esti reportaxe gráficu y turísticu sobre les naciones celtes.
--------------------------------------------------------------------------------
Laponia gana'l III Eurofestival de la Canción Liet Internacional
Laponia resultó otra vegada la nación ganadora del III Festival Européu de la Canción Liet Internacional 2004 cellebráu el pasáu 25 d'ochobre na ciudá frisona de Liuwert, nos Países baxos. El festival quier ser un escaparate de les canciones nes llingües menores d'Europa y de les naciones ensin estáu europees. El ganador foi el cantante lapón Niko Valkeapaa col canciu Rabas Mielain, quedando clasificáu en primer llugar tanto pol xuráu presente como pola audiencia. El xuráu oficial calificó el tema de Niko Valkeapaa como mui auténticu y accesible, merecedor del primer premiu. Niko amás cantó'l tema vestíu col tradicional kofta, el traxe nacional de Laponia. Nesta tercer edición del eurofestival participaron sólo diez naciones ente les que se pudieron sentir canciones representando a Bretaña, Friúl, Occitania, Escocia, Gales, Frislandia o Galicia. El teatru Harmonie de Liuwert acoyó una añu más l'eventu enllenu dafechu de públicu. Occitania quedó en segundu llugar y pal tercer llugar hubo un empate ente Escocia y Galicia. El concursu Liet Internacional ye iniciativa d'una fundación que defiende la llingua frisona y que lleva 14 años organizando'l concursu pa escoyer la meyor canción en frisón y dende hai 3 años entamó tamién el concursu a nivel européu pa premiar la meyor canción nuna llingua o nación menor d'Europa. El concursu recibe apoyu del goviernu de la provincia frisona. Esti concursu tien cada vegada más repercusión mediática, asina nesta tercer edición retransmitióse per radio y televisión en Frislandia y Países Baxos, desplazáronse tamién equipos de radio y televisión de Laponia, Noruega y S4C de Gales. Cataluña ganó la primer edición d'esti eurofestival col grupu Pomada, y Laponia ganó tamién la edición anterior del 2003 col grupu Transjoik. El festival Liet tien vocación de seguir siendo un festival atípicu, por exemplu tien prohibío que se cante n'inglés pa evitar qu'el festival pierda el so raigañu y los grupos interesaos manden la so maqueta o discu a los organizadores que son los qu'escueyen les canciones y grupos que lllueu representarán al so país y a la so llingua. Hai un seriu interés por parte de los organizadores en que cada vegada participen más naciones y cantantes ya incluso en que'l festival puea desplazase a otres ciudaes y naciones d'Europa en futures ediciones. El director del festival ye Onno Falkena. Más información sobre'l festival pue atopase nes páxines www.liet.nl , www.omropfryslan.nl o bien nes señes del eventu.
AXENCIA CPN
--------------------------------------------------------------------------------
Ésitu cuasi total na fuelga pola situación del Asturianu
Los convocantes de la fuelga fecha el pasáu 10 de Payares na enseñanza media d'Asturies en protesta pola murnia situación de la enseñanza de la llingua asturiana col actual goviernu del PSOE calificóse como d'un total ésitu por parte de les entidaes convocantes. La concentración de protesta convocada pola Xunta Moza n'Uviéu dientro de la xornada de paru nos institutos de secundaria asturianos poles condiciones d'enseñu de la llingua asturiana axuntó a más de 250 estudiantes d'Uviéu, ciudá onde'l seguimientu del paru foi total.
En munchos conceyos tamién hebo un seguimientu mui altu del paru, casos de Siero, o Llanera. El seguimientu de la fuelga abarca tol territoriu asturianu, y pel oriente, en Llanes hebo paru dafechu, mientres que en Nava y Cangues d'Onís foi de más del 80%. Pel occidente pasó otru tanto, con paru dafechu nel IES de Cangas del Narcea y del 90% Tinéu, ello anque la directiva avisare de que diba poner falta d'asistencia por dir a la fuelga. Nes cuenques mineres repítese'l panorama, con paros de más del 90% nos IES de Ciañu y de La Felguera L'únicu conceyu onde la participación nun foi tan espectacular foi Xixón, onde namás dos institutos, el de les Ursulines yel de la Universidá Llaboral, rexistraron un paru superior al 80%, siempre según datos de la organización convocante. La baxa participación en Xixón esplícase pola actuación de dellos centros. Delegaos de clas d'institutos comentaron que les xefatures d'estudios posicionáronse cláramente a la escontra de la fuelga y torgaron una mayor participación. Miembros de Xunta Moza allegáronse hasta la Plaza l'Ayuntamientu con una pancarta cola intención d'entrega-y a la Conceyala d'Educación y Llingua Asturiana Carmen Rúa copia del manifiestu de la fuelga. La conceyala, que va poco manifestó en público que en Xixón la Conseyería d'Educación nun taba mandando los mayestros que se precisaben pa cubrir l'aumentu de la demanda d'asturianu nos IES del conceyu.
La fuelga convocada pola Xunta Moza paralizó institutos per too Asturies nuna xornada de llucha contra la política llingüística negativa del PSOE contra la llingua asturiana. Los IES de la Pola Siero, el de Llugones o el Pérez d'Ayala n'Uviéu pararon dafechu, y el paru rexistra una alta participación notros como'l de la Pola L.lena o l'Infiestu, onde s'estima la participación nel paru nun 90%. Representantes de Xunta Moza celebraron l'ésitu de la convocatoria que calificaron de "ésitu". El siguimientu de la fuelga ye masivu, nos cursos más avanzaos, rexistrándose una tasa mínima d'asistencia a clase nos cursos de 1º y 2º d'ESO, mientres que'l paru en bachilleratu ye poco menos que total. Los responsables de Xunta Moza felicítense pol ésitu de la iniciativa. Dende XM afírmase que "cualquier resultáu yera un ésitu, pero esto perpasa toles previsiones".
Sobre les declaraciones del Conseyeru d'Educación del PSOE Iglesias Riopedre, qu'afirmó ayeri na viéspora de la fuelga que l'añu qu'entra diba poder estudiase asturianu "en tolos cursos" dende Xunta Moza entienden que' conseyeru socialista ta "vendiendo fumu". Según la organización, la Conseyería del PSOE tendría de concretar si amás de llegar "a tolos cursos" la ufierta d'asturianu va llegar "a tolos centros y a tolos estudiantes". Los responsables de Xunta Moza denunciaron que la universalización de la enseñanza del asturianu "nun ta nes previsiones del gobiernu socialista" y declararon que l'actual alministración socialista lleva años faltando a les sos promeses ya incumpliendo la llei. En cuantes a la continuidá de les movilizaciones, Xunta Moza anunció que la fuelga de güei ye "un principiu y non un final" nuna campaña de reivindicación y protesta contra l'agresión que fai el goviernu socialista a la llingua asturiana.
La Xunta Moza, que depende de la Xunta Pola Defensa de la Llingua Asturiana, entiende que la situación de la escolarización de la llingua asturiana ye tan preocupante que nun queda más remediu que plantegá-y a l'alministración socialista la fuelga. Dende qu' entamó'l cursu escolar, pue dicise que los casos de protestes particulares y colectives pola escolarización del asturianu nun apararon, y dellos vienen yá de vieyo. Ún de los más conocíos ye'l de Catuxa Bermeyu, alumna del IES Naranco d'Uviéu que l'añu pasáu nun tuvo derechu a recibir clas d'asturianu, empobinándola l'institutu a un grupu de francés al que la neña nun se presentó en tol cursu, suspendiendo l'asignatura. Agora Catuxa, que ta repitiendo cursu, tien qu'asistir amás por decisión del centru a un grupu d'educación especial.
Tres del casu de l'alumna Catuxa Bermeyu, alumnos d'Institutos de toa Asturies ficieron público que nos sos centros nun disponíen de mayestru d'asturianu, ello con tener solicitada l'asignatura más estudiantes del mínimu d'ocho que se pide. L'IES de Ciañu (Llangréu), l'IES "Universidá Llaboral" de Xixón o l'IES Alfonso II d'Uviéu son trés d'estos casos. Xunta Moza, que recoyó delles d'estes denuncies, investigó por cuenta propia y descubrió que dellos institutos nin siquiera daben la opción d'asturianu nos sos cartafueyos de matriculación, lo que suponía un incumplimientu dafechu de la Llei d'usu del asturianu de 1998, qu'obliga a ufiertar l'asignatura ensin dexar opciones.
Les denuncies de Xunta Moza, sindicatos d'enseñanza y colectivos d'alumnos dende qu'entamó'l cursu paez que nun repercutieron na Conseyería d'Educación del PSOE, y les declaraciones del Conseyeru asturianu del PSOE nes qu'afalaba al que quixere matriculase n'asturianu a marchar pa otru centru del so conceyu onde se diere calecieron más l'ambiente. Iyán González, de Xunta Moza, reconoció que ye inasumible que dempués de tola retafila de denuncies y casos que se ficieron públicos entovía queden institutos "onde hai grupos de más de doce persones que nun se-yos pon mayestru d'asturianu" y llamenta que "la Conseyería del PSOE arme un añu tres d'otru'l mesmu escándalu".
El sindicatu d'enseñanza SUATEA pela so parte yá ta cansu de "güelpes de timón" na enseñanza del asturianu y denuncia que la Conseyería d'Educación del PSOE incumple la llei en tolos niveles del sistema educativu. En primaria nun taría cumpliéndose l'alcuerdu de plantiya del 7 de setiembre del 2000, que mandaba la presencia d'un docente d'asturianu a tiempu completu en tolos centros, siendo les itinerancies ente centros una midida escepcional. Según SUATEA, estes itinerancies son lo normal na dinámica diaria de l'alministración socialista. De la mesma manera, en munchos centros l'asignatura conséñase como "alternativa cultura asturiana" lo que en dellos casos aprovéchase p'adelantar materia. SUATEA diz que, en llegando a la secundaria y bachiller l'asignatura apaez como optativa en cuenta de voluntaria, lo qu'incumpliría la llei d'usu, qu'especifica que l'asignatura tien de ser voluntaria ensin competencia con otres. Amás d'esto, como yá denunciaren otres organizaciones como la Xunta Pola Defensa de la Llingua Asturiana y hasta los mesmos estudiantes, munchos centros nun ponen l'asturianu nel cartafueyu de matriculación. SUATEA recuerda tamién la gravedá de la situación n'educación d'adultos, onde l'asignatura cenciellamente nun esiste.
Sobre la situación del profesoráu, la organización sindical diz que la inestabilidá ye altísima, y sorraya'l fechu de que, al cambiar los alumnos de profesor a cada cursu, ello supón-yos una grave inestabilidá a les dos partes. Les declaraciones del titular de la Conseyería d'educación del PSOE sobre l'asuntu, declarando que l'asturianu dase por localidaes y non por centros recibe la condena del sindicatu, que nun entiende por qué entós otres asignatures como la relixón se ponen en tolos centros y que s'entruga si ye que va haber centros pa estudiar inglés o matemátiques. Suatea ve que la oficialidá del asturianu ye la única igua posible, pero ve preciso adoptar midíes urxentes, ente les que destaca'l poner l'asturianu como materia curricular básica coles mesmes hores que'l castellanu y garantizar la so enseñanza en tolos niveles, amás de la creación de planes de formación permanente en llingua asturiana pal profesoráu.
Sobre la cuestión de los centros nos que nun se punxo profesor d'asturianu incluso teniéndolo solicitao alumnos abondos pa facer grupu, Berto Megido, ún de los responsables de la estaya de llingua de la organización sindical, declaró a Asturies.com que "anque hai dellos casos puntuales que van solucionándose, casu del Institutu de Ciañu o del Ximena, lo cierto ye que la sensación que se tresmite dende la Conseyería d'educación del PSOE y, en concreto, dende Inspección, ye de que nadie quier facese cargu del ema y que namás quieren pasase la pelota ente ellos" . Berto esplicó que la protesta nun va quedar nos medios de comunicación y adelantó una posible unidá d'acción ente les trés grandes organizaciones sindicales d'enseñanza (FETE - UXT, CCOO y la mesma SUATEA) sobre esti particular repitiendo la que yá se dio va dos años sobre esti mesmu asuntu.
--------------------------------------------------------------------------------
Eurominority llanza la so versión n'asturianu
Eurominority.org ye'l sitiu na rede dedicáu a les naciones d'Europa y minoríes nacionales que dende agora llanza la so versión en llingua asturiana. La Organización pa les Minoríes Europees y el Centru pa la Investigación y Promoción de les Naciones d'Europa (OME-CIPNE) tienen la so sede en Bretaña y espárdense en tol mundu al traviés de la so páxina web www.eurominority.org . Estos organismos privaos analicen y estudien tolos fechos nacionales y naciones d'Europa, pol tipu de conflictos esistentes o pol tipu de reivindicaciones, bien dientro de los estaos oficiales o per una llista alfabética de les naciones y pueblos europeos. Eurominority dixebra ente naciones o nacionalidaes (con un territoriu definíu) y los pueblos desplazaos por causes históriques o polítiques, tamién estudia tanto los pueblos que tienen un estáu de referencia como aquellos que carecen d'él o que nun tienen nengún tipu d'autonomía o d'independencia política. Eurominority tamién editó un mapa de toles naciones y pueblos europeos amás d'un gráficu con toles banderes de les naciones d'Europa ente les que s'alcuentra Asturies. Eurominority.org ye una antoxana na rede na que se pue atopar información sobre tolos pueblos y naciones d'Europa, amás de noticies ya información en bien de llingües menores y mayores d'Europa. Agora llanza la nueva versión n'asturianu y que se pue güeyar escoyendo l'asturianu ente'l llistáu de llingües anguañu disponibles nesti portal.
--------------------------------------------------------------------------------
Artistes de Madrid apoyen salvar el Teatru Arango de Xixón
Una garrapiellu d'artistes ya intelectuales de Madrid decidió xunir les sos fuerces a les de la Plataforma xixonesa pa facer un grupu de denuncia y presión en Madrid pa lluchar por una xusta causa en defensa del teatru y la cultura, la salvación del vieyu coliséu Teatru Arango de Xixón, ún de los teatros con más raigañu d'Asturies, que ve agora peligrar la so esistencia por culpa de la especulación urbanística y empresarial qu'amenaza cola futura destrucción del Teatru Arango pa camudar el so terrén n'oficines y apartamentos. El grupu creáu pa salvar al Teatru Arango de Xixón cunta con amestar el mayor númberu d'apoyos posibles pa esta causa especialmente ente tolos miembros de la profesión artística, actores, cineastes, músicos y sobre too dirixise ante les más altes instancies públiques y medios de comunicación pa denunciar lo que consideren un atentáu más contra la cultura: non sólo se trata del pieslle d'un antigu teatru de raigame sinon de la so destrucción física y especulativa, ante la pasividá de los políticos asturianos.
El Teatru Arango de Xixón ye un vieyu coliséu pel que actuaron innumberables compañíes de teatru, música y variedaes dende la postguerra y hasta hai poco venía proyectando películes comerciales yá que pertenecía al circuitu empresarial de los cines Fernández Arango. Tres dos años de neglixente abandonu, el propietariu priváu del mesmu pretende declaralu en ruina en vanu yá que'l coliséu ta en perfectu estáu d'usu anque sufre una clara desidia por parte de llos propietarios pa poder vendelu a una empresa de cosmética y allugar nel solar les sos oficinas y sede empresarial. El teatru atópase en plenu centru comercial de Xixón y el valor desorbitáu del solar desborda los beneficios económicos que los propietarios obteníen cola sola xestión como sala de cine.
El grupu de presión creáu en Madrid pa salvar al Arango piensa denunciar los fechos a la opinión pública, ante la pasividá de l'alministración, que se ñega a facerse cargu del teatru y a la so expropiación pública y denunciar sobre too a la empresa que s'encuentra detrás de too esti turbiu negociu especulativu: esta empresa ye CORPORACIÓN DERMOESTÉTICA, negociu dedicáu a traficar col conceptu de guapura y a realizar operaciones quirúrxiquas d'estética sobre cuerpos humanos.
Por too ello esti grupu madrileñu pa salvar el Teatru Arango de Xixón decició entamar la primer acción reivindicativa consistente nuna manifestación-concentración énte la sede central de CORPORACIÓN DERMOESTÉTICA, allugada na cai Hermosilla 28 de Madrid, onde se lleyó el comunicáu de denuncia fechu pola primer Plataforma creada en Xixón y aonde se canalizarán tolos apoyos recibíos. Amás pidióse una entrevista col director d'esta empresa pa que renuncie a la compra del teatru xixonés y busque otru solar pal negociu, yá que destruír un treatru nun ye estéticu ni beneficia la imaxe de nenguna empresa. Los integrantes del garrapiellu d'artistes pegaron octavilles na fachada de la mentada empresa y desplicaron a los clientes y vecinos la problemática suscitada recibiendo comprensiones y apoyos darréu.
El grupu de presión de Madrid pa salvar al Teatru Arango tá promovíu y encabezáu por Miguel de Diego (Arlekín) cantante y compositor; Xaviel Vilareyo (escritor y guionista), María Bolkan (actriz), Mercury (astrólogu), José David (cineasta), José Peiteado (actor), María Carabantes (actriz), Sheila del Valle (actriz), Alba Costa (cantante), Alma Zamora (cantante), Paco Segura (músicu), Susana Morena (baillarina), María Piqueras (baillaora), Las Kukis (cantantes), Dúo Chocolate (cantantes), Miguel de la Torre (pintor), Rocío Durán (poeta), ente otros y cunta agora con más de cien adhesiones.
La plataforma d'artistes de Madrid en defensa del Teatru Arango pa la so revitalización y usu cultural confía en recoyer los más de los apoyos posibles y denunciar esta murnia situación nos medios de comunicación ya instiruciones pertinentes. Como solución pa un futuru usu del teatru los artistes proponen que'l Teatru Arango seya la futura y definitiva sede de la Filmoteca d'Asturies, un proyectu necesitáu d'una sede permanente y digna.
--------------------------------------------------------------------------------
La revista Altair omite a Asturies
nel so númberu sobre "Naciones celtas"
La revista catalana Altair, dedicada al turismu y los viaxes, marxinó deliberadamente a Asturies nel so caberu númberu 31 monográficu dedicáu a les nomaes "Naciones celtas" d'Europa. Nella faense dellos reportaxes nos que animen a los llectores a visitar y tastiar les maravíes turístiques d'Escocia, Irlanda, Bretaña, Cornualles, Gales o Galicia, pero omiten dafechu a Asturies nel so númberu, desinformando asina a los lLectores y marxinando a Asturies de la marca turística reconocida internacionalmente como una de les naciones celtes de la Europa atlántica. Los perxuicios turísticos, económicos y d'imaxe p'Asturies son una vegada más materialmente llevaos a cabo esta vegada por un medio de comunicación que fai asina por ocultar a Asturies, marxinala y facer ver como si nun esistiera nel mapa de les nomaes naciones celtes. Incultura, desinterés, falta d'información amañosa, pocu pesu políticu d'Asturies, presiones gallegues o bien la cafiante zuna o prexuicios antiasturianos son los que lleven una vez más a marxinar al pequeñu gran País Asturianu del gran mercáu del capital, la cultura y el turismu masivu, pa qu'esta vez sí, se beneficien otros en llugar d'Asturies. Naide entiende esta vegada la esclusión d'Asturies d'esti reportaxe gráficu y turísticu sobre les naciones celtes.
--------------------------------------------------------------------------------
Laponia gana'l III Eurofestival de la Canción Liet Internacional
Laponia resultó otra vegada la nación ganadora del III Festival Européu de la Canción Liet Internacional 2004 cellebráu el pasáu 25 d'ochobre na ciudá frisona de Liuwert, nos Países baxos. El festival quier ser un escaparate de les canciones nes llingües menores d'Europa y de les naciones ensin estáu europees. El ganador foi el cantante lapón Niko Valkeapaa col canciu Rabas Mielain, quedando clasificáu en primer llugar tanto pol xuráu presente como pola audiencia. El xuráu oficial calificó el tema de Niko Valkeapaa como mui auténticu y accesible, merecedor del primer premiu. Niko amás cantó'l tema vestíu col tradicional kofta, el traxe nacional de Laponia. Nesta tercer edición del eurofestival participaron sólo diez naciones ente les que se pudieron sentir canciones representando a Bretaña, Friúl, Occitania, Escocia, Gales, Frislandia o Galicia. El teatru Harmonie de Liuwert acoyó una añu más l'eventu enllenu dafechu de públicu. Occitania quedó en segundu llugar y pal tercer llugar hubo un empate ente Escocia y Galicia. El concursu Liet Internacional ye iniciativa d'una fundación que defiende la llingua frisona y que lleva 14 años organizando'l concursu pa escoyer la meyor canción en frisón y dende hai 3 años entamó tamién el concursu a nivel européu pa premiar la meyor canción nuna llingua o nación menor d'Europa. El concursu recibe apoyu del goviernu de la provincia frisona. Esti concursu tien cada vegada más repercusión mediática, asina nesta tercer edición retransmitióse per radio y televisión en Frislandia y Países Baxos, desplazáronse tamién equipos de radio y televisión de Laponia, Noruega y S4C de Gales. Cataluña ganó la primer edición d'esti eurofestival col grupu Pomada, y Laponia ganó tamién la edición anterior del 2003 col grupu Transjoik. El festival Liet tien vocación de seguir siendo un festival atípicu, por exemplu tien prohibío que se cante n'inglés pa evitar qu'el festival pierda el so raigañu y los grupos interesaos manden la so maqueta o discu a los organizadores que son los qu'escueyen les canciones y grupos que lllueu representarán al so país y a la so llingua. Hai un seriu interés por parte de los organizadores en que cada vegada participen más naciones y cantantes ya incluso en que'l festival puea desplazase a otres ciudaes y naciones d'Europa en futures ediciones. El director del festival ye Onno Falkena. Más información sobre'l festival pue atopase nes páxines www.liet.nl , www.omropfryslan.nl o bien nes señes del eventu.
AXENCIA CPN